रामेछाप- विश्वका विभिन्न मुलुकमा कोरोना भाइरसको संक्रमण फैलिएसँगै नेपालमा त्रास बढेको छ । कोरोनाले आम नागरिकलाई त्रासित बनाएसँगै साना व्यवसाय देखि ठूला व्यवसायलाई समते ठूलो असर परेको छ । कोरोना भाइरसको महामारी जिल्लामा पनि फैलिन सक्ने भन्दै पोल्ट्री व्यवसायिले जिल्लामै उत्दान गर्दै आएको अण्डा र चल्ला नष्ट गरेका छन् ।
कोरोनाको हल्लाले मानिसलाई त्रासित बनाएपछि जिल्लाको एक मात्र ह्याचरी उद्योगले आइतबार ६० हजार अण्डा र १५ हजार चल्ला नष्ट गरेको छ । रामेछाप नगरपालीकाको बडा नं ६ मा रहेको नेशनल पोल्ट्री फर्मले १५ हजार जीवित चल्ला र ६० हजार अण्ड एकै पटक नष्ट गरेको हो ।
कोरोना संन्त्रासका कारण मासु उपभोग गर्ने उपभोक्ता र चल्ला लैजानै किसानहरुमा गिराबट आएसँगै अण्डा र चल्ला विक्रि हुन छोडेपछि लाखौ घाटा खाएर चल्ला र अण्डा एक मुष्ट रुपमा नष्ट गर्नु परेको फर्म सञ्चालक रुद्र श्रेष्ठले बताए । उनले भने – ‘विश्वमा यत्रो ठूलो संकट आएको छ । नेपालमा पनि त्यहि हल्लाले धेरै मानिसहरु आफ्नो सुरक्ष तिर लागीसके । हामीले उत्पादन गरेका चल्ला र अण्डा खरिद गर्न केही पनि आउँदैनन् । चल्ला पालेर राख्दा थप लागत बढ्ने तर बिक्रि नहुने भएपछि नष्ट गर्नु नै उत्तम ठानेर नष्ट गरियो ।’ फर्ममा श्रीलंका देखि अण्डाका लागि ल्याईएका चल्ला पनि हजारौको संख्यामा रहेको र उक्त चल्ला आउने क्रम कोरोनाको सन्त्राससंगै रोकिएको पनि उनले बताए ।
श्रेष्ठका अनुसार नष्ट गरिएको अण्डा र चल्लाको मूल्य २३ लाख भन्द बढी रहेको छ । सदरमुकाम मन्थलीमा रहेका मेहनती युवाहरुको समूहले करिव ६ बर्ष अघि देखि संचालनमा ल्याएको उक्त फर्ममा हाल सम्म करिब ९ करोड माथी लगानी भैसकेको छ । जसमध्ये ५ करोड रुपैयाँ बैकको ऋण र बाँकि रकम आफूहरुले लगानी फर्म संचालकको भनाई रहेको छ ।
यसरी संचालित सबै फर्म ऋणका भरमा चल्दै आएका र ब्यावसायमा गिरावट आएपछि आफूहरुलाई ऋणको ब्याज तिर्न समेत समस्या भएको ब्यवसायिहरुको गुनासो गुनासो छ । संभावित कोरोना संक्रमणको हल्लासंगै बैकहरुले आफूहरुलाई ब्याज असुलिमा समेत कडाई गरेको गुनासो पनि उनीहरुले गरेका छन् । मुलुकमा पटक–पटक संकट पर्दै आएको बेलमा राज्यलाई सहयोग गर्नु आफूहरुको पनि कर्तब्य भएको उनिले बताए । तर पूर्ण रुपमा ऋण लिएर ब्यवसायमा निर्भर बनेका ब्यवसायिहरुको अवस्थालाई सरकारले नहेर्ने हो भने आफुहरु विस्थाति भएर टाट पल्टने अवस्थामा पुगेको उनिहरुको भनाई रहेको छ ।
कोरानाकै कारण बन्द हुने अवस्थामा पुगेको ह्याचरी संचालकलाई मात्रै घाटा लागेको छैन् । दैनिक १५–१६ जनाले आफ्नै गाउँमा पाएको रोजगारी समेत गुम्ने भएको छ ।
यो बारेमा तपाईको प्रतिकृया