रामेछाप ९ मङ्सिर । मल बिक्रीमा कालो बजारी गरेको भन्दै कृषक जागरण कृषि सहकारी संस्थामा भदौ महिनामा लगाएको ताला मंगलबार खुलेको छ ।
मन्थली नगरपालिकाको वडा नं १ मा मल को बिक्रि केन्द्र राखेको उक्त सहकारी संस्थाले साल्ट टेडिङ कर्पोरेसन बनेपाबाट प्रतिबोरा ८ सय ४६ मा ल्याएको फर्टिलाइजर युरिया मललाई एमोनिया सल्फेट भन्दै प्रति बोरा रु १ हजार ८ सयका दरले बिक्रि बितरण गरेको अनुगमनका क्रममा जिल्ला प्रशासन कार्यालयले फेलापारेपछि बिक्रि स्थल सिल गरी संस्थाका ब्यवस्थापक पदम लामालाई प्रहरीले हिरासतमा लिएर आबश्यक अनुसन्धान थालेको थियो ।
तमाङलाई कालोवजार तथा अन्य सामाजिक अपराध तथा सजाय ऐन २०३२ बमोजिम मुद्दा चलाई यहि कार्तिक २५ गते फैसला भई २ लाख १० हजार र अपराध पिडित संरक्षण ऐन २०७५ को दफा ४१ के उपदफा २ बमोजिम जरिवानाको ४ प्रतिशतले हुन आउने थप ८ हजार ४ सय समेत जरीवाना गरिएको प्रमुख जिल्ला अधिकारी रुद्रादेवी शर्माले बताउनुभयो ।
लामाले उक्त रकम जरिवाना र मल बिक्रि गरेका सबै ग्राहकसँग बढि लिएको पैसा फिर्ता गरे सँगै मंगलवार जिल्ला प्रशासन कार्यलय रामेछापमा बसेको बैठले उक्त सहकारी संस्थाको मल बिक्रि केन्द्र खुल्ला गर्ने निर्णय गरेको थियो ।
यो बारेमा तपाईको प्रतिकृया