रामेछाप– रामेछापको मन्थलीमा रहेको नवजागरण बचत तथा ऋण सहकारी संस्थाले कोरोनाका कारण आफ्ना ऋणी सदस्यहरुमा परेको समस्यालाई थोरै भएपनि रहात पुग्ने गरी ऋणको ब्याजमा २० प्रतिशत छुट दिने निर्णय गरेको छ ।
कोरोना भाइरस फैलिन नदिनको लागि सरकारले चैत्र ११ गते देखि देशैभर लकडाउन लगाएपछि सहकारीबाट विभन्न प्रयोजनको लागि ऋण लगेका सदस्यहरुलाई लक्षित गरी चैत्र १ गते देखि जेष्ठ मसान्त सम्मको ऋणको ब्याजमा २० प्रतिशत छुट दिने निर्णय गरिएको संस्थाका व्यवस्थापक रमेश उदाशले जानकारी दिनुभयो ।
यसरी ब्याजमा छुट पाउनको लागि ऋणीहरुले नियमित रुपमा (मासिक) किस्ता बुझाएको हुनु पर्ने छ । चैत्र अघि सम्मको किस्ता नबुझाएको भएपनि एक मुष्ट रुपमा बुझाएर चैत्र महिना देखि नियमित बुझाएमा पनि ब्याज छुट हुने व्यवस्थापक उदाशले बताउनुभयो ।
सहकारीले कोरोना भाइरसबाट बच्ने उच्च सावधानी अपनाउँदै सेवाग्राहीको समस्यालाई ध्यानमा राखेर बिहान १०:३० बजे देखि मध्यान्न १२:३० बजे सम्म आफ्नो सेवा दिइरहेको छ । ६ हजार दुई सय सदस्य रहेको नवजागरण बचत तथा ऋण सहकारीमा ७ सय ऋणी सदस्य रहेका छन् ।
यो बारेमा तपाईको प्रतिकृया