रामेछाप- सामान्य समयमा एक ठाउँबाट पठाएको पैसा लिन र अर्को ठाउँमा पठाउने सजिलो माध्यम बनेको आईएमइले लकडाउनको समयमा पनि मन्थली आफ्नो सेवा नियमित दिइरहेको छ । कोरोना भाइरसबाट बच्ने सावधानी अपनाउँदै सामाजिक दुरी कायम गरी विहान १० बजे देखि दिउँसो दुई बजे सम्म संचालनमा रहेको श्री प्रथमा मनी ट्रान्सफर आईएमई सेन्टरका संचालक सुरेश उदासले बताउनुभयो ।
उहाँका अनुसार प्रथमा मनी ट्रान्सफरबाट दैनिक ३० देखि ४० जनाले सेवा लिने गरेका छन् भने लकडाउन सुरु भएदेखि हाल सम्म पाँच सय बढीले एक करोड बराबरको कारोबार गरेका छन् । यसरी पैसाको कारोबार गर्नेहरुमा बैदेशिक रोजगारीमा रहेका मानिसहरु बढी रहेको पनि संचालक उदासले बताउनुभयो ।
आईएमईबाट कारोबार गर्नुपर्ने भएमा वा कुनै जानकारी भएमा ९८५४०४०१८१ मा सम्पर्क गर्न समेत प्रथमा मनी ट्रान्सफर आईएमई सेन्टरका संचालक सुरेश उदासले आग्रह गर्नुभएको छ ।
यो बारेमा तपाईको प्रतिकृया