साहारा साकोसको नाफा २२ लाख

रामेछाप । जिल्लाको मन्थली नगरपालिकामा कृयासिल साहारा बचत तथा ऋण सहकारी संस्थाले गत आर्थिक बर्ष २०७६/७७ मा २२ लाख मुनाफा कमएको छ ।

बिभिन्न चुनौति र कठिनाइहरुको  सामना गर्दे संस्थाले सो नाफा कमाउन सफल भएको संस्थाका कोषाध्यक्ष शिब श्रेष्ठले आफ्नो प्रतिबेदन मार्फत  जानकारी दिनुभयो ।    उहाका अनुसार  कुल २२ करोडको कारोबार रहेको यस संस्थामा हाल सम्म १५ प्रकारका वचत खाता र १२ प्रकारका ऋण खाता मार्फत सहुलियत ब्याजदरमा क्रण प्रवाह गर्दे आएको छ ।

कोरोना संक्रमणको बेला पनि साकोसले स्वास्थ सुरक्षा र सरकारी मापदण्डलाई पालना गर्दे आफनो साधारण सभा सम्पन्न गरेको संस्थका अध्यक्ष मिलन घिसिङले बताउनुभयो ।

कोरोना संक्रमणका कारण सेवा प्रवाहका क्रममा लामो समयदेखि समस्या र अभाब ब्यहोर्दे आएको साहारा साकोस संचालक समितिका पदाधिकारीहरुको निरन्तरको लगाब,कर्मचारीहरुको मेहनत र शेयर सदस्यहरुको समर्थनमा उसले विहिबार औपचारीक कार्यक्रमका विच आफनो साधारण सभा सम्पन्न गरेको पनि उहाले बताउनुभयो ।

आफुलाई नीति,विधि र प्रविधिको क्षेत्रमा अग्रणि संस्थाको रुपमा विकास गर्ने अभियानका साथ केन्द्रिय सहकारी संघको फ्रेमवर्क भित्र बसेर काम शुरु गरेको बताइएको छ ।  संस्थाले आबश्यक पर्ने ४८ निति मध्ये ४० वटा निति निर्माण गरि सोहि अनुसार काम गर्दै आएको र बाँकी रहेका ८ वटा निति निर्माणको काम पनि भईरहेको र त्यसले चाँडैनै सार्थकता पाउने जानकारी संस्थाका सचिब बलराम लामाले आफ्नो प्रतिबेदनमा उल्लेख गर्नुभएको थियो ।

साधारण सभामा संस्थाको प्रगति प्रतिवेदन पेश गर्नुहुदै  अध्यक्ष  घिसिङ्कले हाल साविकको मन्थली, रामेछाप, शुकाजोर, सुनारपानी र भलुवाजोर गाविसलाई आफनो कार्यक्षत्र बनाएर काम गर्दे आएको साहाराले यस बर्ष थप साविकका पकरबास,चिसापानी भटौली र भिरपानी गाविसमा पनि कार्यक्षेत्र विस्तार गर्न लागेको जानकारी दिनुभयो । त्यसैगरी साकोसले केहि सहकारी संस्थाहरु संग संस्था मर्चकोलागि प्रयास भईरहेको भन्दै चालु आबमा उक्त कार्यले पनि केहि मात्रमा सार्थकता पाउने र त्यसकालागि संस्थाले आबश्यक काम आरम्भ गरि सकेको जानकारी पनि दिनुभयो ।

संस्थाले आफना शेयर सदस्य हरुको आर्थिक तथा सामाजीक विकासका लागि विभिन्न ब्यवसायी कार्यक्रम यसै बर्ष देखि संचालन गर्न लागेको जानकारी पनि सो अबसरमा अध्यक्षले गराउनु भएको थियो ।त्यसका लागि चालु आवमा आफनो शेयर सदस्य वृद्धिगरी डबल पुर्याउने र सकभर संस्थाको सेवालाई हालको वडा स्तरमानै सम्पर्क कार्यालय संचालन गरि वचत असुली र क्रण लगानीको कामलाई थप सहज बनाउने लक्ष्य संस्थाले लिएको जानकारी पनि अध्यक्षले गराउनु भएको थियो ।

जिल्ला वचत तथा क्रण सहकारी संस्थाका अध्यक्ष जगन्नाथ दाहालले साधारण सभाको उद्घाटन् गर्दे जिल्लामा सहकारीको संस्थागत  विकासमा साहारा वचतले उल्लेखनिय भूमिका निभाएको भन्दै अबको दिनमा साहारा साकोसले शेयर सदस्यको ब्यवसायिक हितका लागि पनि काम गर्न अनुरोध गर्नु भएको थियो   । उहाले पारदर्शिता,जवाफदेहिता र सहकारीता सहकारीको मुूल आधार भएको भन्दै एक संस्था र एक शेयर सदस्यको नीतिलाई साहाराले पनि आत्मासात गर्नु पर्ने  धारणा राख्नु भएको थियो ।

३ हजार ५ सय शेयर सदस्य रहेको साहाराले गाउँ गाउँमा पुगेर  साधारण सभाका प्रतिनिधीहरु छनौटग रेको थियो ।