रामेछापमा सबै बजार अनुगमनलाई कडाई गरिने

रामेछाप ७ माघ । रामेछाप जिल्लाको बजार अनुगमन ब्यवस्थापनलाई कडाई गरिने भएको छ ।
चालु आबमा जिल्ला बजार अनुगमन समितिले गरेको कामको समिक्षा तथा भावि दिनमा गर्ने बजार अनुगमनका सम्बन्धमा बुधबार प्रमुख जिल्ला अधिकारी अर्जुन कुमार शर्मा गुरागाईको कार्यकक्षमा बसेको जिल्ला बजार अनुगमन समितिको बैठकले उक्त निर्णय गरेको हो ।
बैठकले बजार अनुगमनका क्रममा विगतमा भए गरेका कामको समिक्षा र त्यसबाट आम उपभोक्ताहरुका पक्षमा भए गरेका गतिबिधिका बारेमा पनि छलफल भएको थियो ।
सो अबसरमा प्रजिअ शर्माले जिल्ला अनुगमन समितिले विगतमा भए गरेका कमजोरी हरूलाइै सुधार गर्दे बजार अनुगमनको पाटोलाई थप ब्यवस्थापन गर्ने भन्दै त्यसका लागि सरोकारवालाहरू सबैलाई सहयोगको लागि आग्रह गर्नु भएको थियो ।
उपभोक्ताको जीवन र स्वास्थ संग जोडिएको बजारको अनुगमन प्रणालीलाई हामिले जिल्लाका सवै पालिकाहरू संगको सहकार्यमा पालिका स्तरका बजार केन्द्र सम्म सहकार्य गर्न लागि परेकाले अभियानमा सहयोग गर्न पनि प्रजिअले आग्रह गर्नुभयो ।
यसका लागि पहिलो चरणमा रामेछाप उद्योग बाणिज्य संघ सँग सहकार्यगरी सदरमुकाम मन्थली र त्यसपछि सवै स्थानीय निकायहरू सँग समेतको सहकार्यमा अनुशिक्षण कार्य संचालन गर्ने निर्णय बैठकले गरेको छ ।
जस अन्र्तगत बजारमा राखिएका सामानको खरीद तथा विक्रि मुल्य र म्याद नघेका खाद्यन्न लगाएतका सामाग्रिको अवस्थाका बारेमा समेत अनुगमन गरी आबश्यकता का आधारमा कार्वाहिको प्रक्रिया अघि बढाउने निर्णय गरेको छ ।
समितिका अध्यक्ष सहायक प्रमुख जिल्ला अधिकारी तुलराज सुनुवारको अध्यक्षतामा बसेको बैठकले बजार अनुगमनलाई प्रभावकारी बनाउने सन्दर्भलाइ आफुले ईमान्दारीताका साथ पालना गर्ने धारणा राख्नु भएको थियो । बैठकमा नेपाल पत्रकार महासंघ बागमति प्रदेशका सदस्य बद्री नयाँघरे,रामेछाप उद्योग बाणिज्य संघका अध्यक्ष केशब घिमिरे, कोष तथा लेखा नियन्त्रक ,घरेलु तथा साना उद्योग विकास समितिको प्रतिनिधी लगायतले जिल्लाका बजार अनुगमन प्रणाली र सुधारका पक्षलाई सबल बनाउनु पर्नै कुरामा जोड दिएका थिए ।