संयुक्त यातायात पनि पूर्व अरनिको नामवाट सञ्चालन

रामेछाप २७ फागुन । यस अघि ओखलढुंगा जिल्लाका विभिन्न क्षेत्रहरूमा सञ्चालन हुँदै आएको संयुक्त यातायात प्रालिका वसहरू अव पूर्व अरनिको सेवा प्रालिको मातहतमा रहेर सञ्चलन हुन थालेका छन् ।
पूर्ब अरनिको यातायात सेवा प्रालिका निवर्तमान अध्यक्ष श्याम लामा र , संयुक्त यातायात सेवा प्रालिका अध्यक्ष भरत तिमिल्सिना लगाएतका पदाधिकारीहरू बिच वसेको बैठकले यस अघि अरनिको यातायात सेवा प्रालि र संयुक्त यातायात सेवा प्रालि का छुट्टा छुट्टै नामवाट ओखलढुंगाको फेदिगुठ र घोराखोरीमा सञ्चालन भएका वसहरु पुर्व अरनिको यातायात सेवा प्रलिकै नाममा सञ्चालन गर्ने सहमाति भएको हो ।
सहमति अनुसार संयुक्त यातायात सेवा प्रालिको मातहतमा रहेका लामो दुरीे (घोराखोरी र फेदीगुठ) मा सञ्चालन हुने सबै वसहरू अरनिको यातायात सेवा प्रालिमा समाहित हुने र अरनिको यातायात प्रालिकै नीति नियम अनुसार सञ्चालन हुने कुरा उल्लेख गरिएको छ ।
२०४२ सालदेखि साविकको अरनिको यातायात सेवा समिति (हाल पूर्व अरनिको यातायात सेवा प्रालि) ले दोलखा र रामेछापका विभिन्न दुर्गम भागहरूमा एकलौटी रुपमा सेवा प्रदान गर्दै आइरहेको थियो ।
यस अघि दुवै यातायात प्रलिका यात्रुवाहक वसहरू ति स्थानहरूमा सञ्चालन हुँदै आएका थिए ।
ओखलढुंगाको,फेदि गुठ र घोराखोरीमा दुवै यातायत सेवा प्रालिका वसहरू छुट्टा छुट्टै सञ्चालन गर्दा अस्वस्थ प्रतिस्पर्धा भइ ब्यवसायि हरुलाई दैनिक रुपमा घाटा हुने र यात्रुहरुको सुरक्षामा पनि कमि कमरजोरी हुन सक्ने सम्भावनालाई मध्यनजर गर्दै आफुलाई अरनिको यातायात प्रालिको सबै खाले सेवा सुबिधा मन परेकोले आफ्ना लामा रूटका गाडिहरू पूर्व अरनिको यातायात सेवा प्रालिका निवर्तमान अध्यक्ष श्याम लामाको अगुवाइमा अरिनिको यातायात सेवा प्रालिमै समायोजन गर्ने सहमति गरेको संयुक्त यातायात सेवा प्रालिका अध्यक्ष भरत तिमिल्सिनाले वताउनुभयो ।
सहमति भए सँगै पूर्व अरनिको यातायात सेवा प्रालिको नामवाट ति दुवै ठाउमा दुवै यातायातका वसहरू आलोपालो प्रणालीमा सञ्चालन हुन सुरू भैसकेका छन् ।