७ असार, २०७६
मन्थली– नवजागरण बचत तथा ऋण सहकारी संस्थाको बिस्तारित मञ्च बैठक शनिबार मन्थलीमा सम्पन्न भएको छ । संस्थाका अध्यक्ष श्याम थापाको अध्यक्षतामा सम्पन्न उक्त कार्यक्रममा आ ब २०७६÷७७ को लागि कार्य योजना समेत निर्माण गरिएको छ ।
कार्यक्रमको उद्घाटन सत्रमा बोल्दै नेपाल पत्रकार महासंघका अध्यक्ष रमेश ढुंगेल, बचत तथा ऋण सहकारी संस्थाका अध्यक्ष जगन्नाथ दाहाल, लेखा तथा सुपरिबेक्षण समितिका संयोजक प्रज्ञान खड्का लगाएतले बर्तमान सहकारी ऐनले निर्धारण गरेको बिधि र प्रकृया धेरै सहकारीहरुलाई पालना गर्न कठीनाइ भैरहेको कुरालाई जोड दिएका छन् । उनीहरुले जिल्लामा सञ्चालन भैरहेका सहकारीहरुलाई संघिय, प्रादेशीक र स्थानीय ऐन अक्षरस पालना गराउन सबै लागिपर्नु पर्ने कुरामा जोड दिएका छन् ।
सहकारी क्षिक्षा अन्तर्गत सहकारी ऐनमा भएका बिभिन्न कुराहरु र शेयर सदस्य एबं संचालक समितिका पदाधिकारीहको काम कर्तब्य र अधिकारका बारेमा प्रशिक्षक इश्वर न्यौपानेले प्रशिक्षण दिनुभएको थिायो ।
यो बारेमा तपाईको प्रतिकृया