२४ साउन, २०७६
मन्थली- लिखुतामाकोशी गाउँपालिका वडा नं ७ का वडा अध्यक्ष सुबास बोहराले गाउँपालिका भित्र भएको अनियमितता विरुद्धमा बोल्दा गाउँपालिका अध्यक्षले ‘वडाध्यक्षले नै बनाए गाउँपालिका अध्यक्षको हत्या योजना’ शिर्षकको समाचार आएको प्रति आफ्नो गम्भीर ध्यानाकर्षन भएको बताउनु भएको छ ।
शुक्रबार साँझ मन्थलीमा पत्रकार सम्मेलन गरी वडा अध्यक्ष बोहराले गाउँपालिका अध्यक्ष गोविन्द बहादुर खड्काले आफ्नो निजी विषयलाई आफूसाँग जोडेर आफ्नो चरित्र हत्या गर्ने गरी अभिव्यक्ति दिएको बताउनुभएको छ । काठमाण्डौ स्वयंभुमा गोली चलेर आपराधिक गतिविधिमा संलग्न रहेको भन्दै दुई व्यक्तिलाई प्रहरीले नियन्त्रण लिएसँगै जिल्लाको लिखुतामाकोशी गाउँपालिका अध्यक्ष र वडाध्यक्षबीच नयाँ टिकटिप्पणी सुरु भएको छ ।
प्रहरीले समातेको व्यक्तिहरुलाई प्रयोग गरी वडा नं ७ नं वडाका अध्यक्ष बोहोराले आफू माथि चन्दा आतंक र ज्यान मार्ने धम्की दिएको सोही गाउपालिकाका अध्यक्ष गोविन्द बहादुर खडकाले आरोप लगाएको भन्दै वडाध्यक्ष बोहोराले त्यो आरोप सत्य नभएको बताउँनु भएको छ । अध्यक्ष बोहराले राज्यको चौथो अंगजस्तो पत्रकारिता क्षेत्रले यथार्थ र सत्य नखोजी एकपक्षिय ढंगले समाचार सम्प्रेषण गरेको आरोप समेत लगाउँनुभएको छ । –
यो बारेमा तपाईको प्रतिकृया