कुमार श्रेष्ठ
मन्थली- जिल्लाको सदरमुकाम मन्थलीमा मन्थली नगरपालिकाको न्यायिक समिति र मेलमिलपकर्ताहरु बीच अन्तरक्रिया कार्यक्रम सम्पन्न भएको छ । सोमबार तामाकोशी सेवा समितिको आयोजना तथा मन्थली नगरपालिकाको समन्वयमा न्यायिक समिति र मन्थली नगरपालिका भित्र रहेका मेलमिलापकर्ताहरु बीच अन्तरक्रिया भएको हो ।
नगरपालिका भित्र विभिन्न कारणले उत्पन्न हुने विवादहरुलाई समधान तथा व्यवस्थापन कसरी गर्न सकिन्छ भन्ने विषयमा छलफल भएको थियो । न्यायिक समितिले न्याय सम्पादनमा गर्दै आएका काम र मेलमिलापकर्ताले गर्दै आएका कामलाई थप प्रभावकारिताका साथ अगाडी बढाउने गरी छलफल भएको थियो ।
कार्यक्रममा बोल्दै न्यायिक समितिका संयोजक मायाकुमारी कार्कीले स्थानीय तह स्थापना भएको दुई बर्ष बितिसक्दा पनि न्यायिक समिति र मेलमिलापकर्ताहरु बीच राम्रो समन्वय नहुँदा न्याय सम्पादनमा कमजोरी भएको भन्दै आगामी दिनमा त्यसलाई सुधार गर्नको लागि समन्वय गर्दै अगाडी बढ्नु पर्नेमा जोड दिनुभयो । त्यस्तै कार्यक्रममा बोल्दै मन्थली नगरपालिकाका नगर प्रमुख रमेश कुमार बस्नेतले तामाकोशी सेवा समितिले मेलमिलापकर्ताहरु उत्पादन गरी सहयोग पुर्याएकोमा धन्यदबाद दिदैँ मेलमिलाकर्ताले गाउँ–गाउँमा मेलमिलाप गराउन खेलेका भूमिकाको उचित मूल्यांकन हुनु पर्ने बताउनुभयो ।
कार्यक्रममा मन्थली नगरपालिकाको न्यायिक समितिको न्यायिक समितिका सदस्य द्वोय नारायाण बोगटी, उद्धव रम्तेल, तामाकोशी सेवा समितिका अध्यक्ष गुञ्ज बहादुर श्रेष्ठ, कार्यक्रम संयोजक हिमाल ढुंगेल, मेलमिलापकर्ता वडा संयोजक लगायतको सहभागिता रहेको थियो ।
यो बारेमा तपाईको प्रतिकृया