साँघुटार– जिल्लाको रामेछाप नगरपालिका वडा नं. ३ साँघुटारमा गत साउन ९ गते आगलागीबाट पीडित भएका परिवारलाई रामेछाप नगरपालिकाले एक लाख रुपैयाँ बराबरको आर्थिक सहयोग गरेको छ । नगरपालिकाले चालु आर्थिक वर्ष २०७६/०७७ को पहिलो चौमासिकमा प्रवाह भएका सार्वजनिक सेवा तथा विकास निर्माणाको प्रभावकारिताको विषयमा राखेको सार्वजनिक सुनुवाई कार्यक्रमको अवसर पारेर चार जनालाई आर्थिक सहयोग गरेको हो ।
सहयोग पाउनेहरुमा साँघुटारका अंकित श्रेष्ठ, हरीमाया मगर अनिस थापामगर र राजन कुमार सुवेदी रहेका छन् । आगलागी पीडित परिवारलाई नगर प्रमुख नर बहादुर थापामगरले प्रति घर २५ हजार रुपैयाँका दरले चेक हस्तान्तरण गरेर सहयोग गर्नुभएको हो ।
गत साउन ९ गते बिहान एक प्रीफ्याबको घरबाट निस्केको आगोले सँगै रहेका दुई ओटा टहरा र एक पक्की घर सहित ४ ओटा घर पूर्ण रुपमा जलेर नष्ट भएका थिए ।
यो बारेमा तपाईको प्रतिकृया