रामेछाप नगरपालिकाका नगर प्रमुख नर बहादुर थापा मगरले नगरपालिकामा अब एक घर एक उद्यमी सृजना गर्ने बताउनुभएको छ । रामेछाप नगर उद्योग वाणिज्य संघको चौथो साधरण सभा तथा दोश्रो अधिवेशन कार्यक्रममा बोल्दै उहाँले नगरपालिकाले उद्योगी तथा व्यवसायीहरुको सहयोगका लागी आवश्यक निति तथा कार्यक्रम बनिसकेको र त्यहि निति तथा कार्यक्रम अनुसार नै काम अगाडि बढ्ने बताउनुभयो ।
नगरपालिकाका उद्यमीहरुले उत्पादन गरेका समाग्रीहरुको प्रचारका लागि नेपाल भ्रमण वर्ष २०२० ले निकै सहयोग पुग्ने उहाँको भनाई रहेको छ । उहाँले भ्रमण वर्ष लक्षित गरी नगरपालिकाका विभिन्न वडाहरुमा आन्तरीक तथा बाह्य पर्यटक भित्राउने बारेमा छलफल भईरहेको बताउनुभयो । कार्यक्रममा रामेछाप उद्योग वाणिज्य संघका अध्यक्ष श्याम थापा, नेपाली कांग्रेस रामेछाप नगरपालिकाका सभापति कमल कार्की र नेकपा रामेछाप नगरपालिकाका नेता राम विष्णु बस्नेतले आफनो भनाई राख्नुभएको थियो ।
रामेछाप नगर उद्योग वाणिज्य संघका अध्यक्ष शम्भु कुमार श्रेष्ठ र नगर प्रमुख नर बहादुर थापामगरको प्रमुख आतिथ्यतामा भएको कार्यक्रममा संघका महासचिव शिशिर खडगीले प्रगती प्रतिवेदन प्रस्तुत गर्नुभएको भएको थियो । जस अनुसार संघले करदाता अनुशिक्षण कार्यक्रम, व्यवसाय ईजाजत पत्र तथा राजश्व संकलन शिविर, बजार अनुगमन र प्राकृतिक विपत्ति वा दुर्घटनामा परेका उद्योगी व्यवसायीहरुलाई सहयोग गरेको जनाएको छ ।
यो बारेमा तपाईको प्रतिकृया