खाँडादेवी- रामेछापको खाँडादेवी गाउँपालिकाले जिल्लाका सरोकारवालाहरु समेतको सहभागितामा चालु आर्थिक बर्षमा सञ्चालनमा रहेका बिभिन्न योजनाहरुको सर्वपक्षीय रुपमा अर्धबार्षिक अनुगमन गरेको छ । गाउँपालिकाका अध्यक्ष प्रेम बहादुर तमाङको नेतृत्वमा बिहिबार र शुक्रवार गरिएको अनुगमनका क्रममा उपप्रमुख, प्रमुख प्रशासकीय अधिकृत, जिल्लास्थित राजनीतिक दल संचारकर्मी, कार्यपालिका सदस्यहरु लगायतको टोलिको सहभागिता रहेको थियो ।
टोलीले खाँडादेवी, राकाथुम, भीरपानी र मझुवामा संघ, प्रदेश र पालिकास्तरबाट, बिनियोजन भएका बिभिन्न योजनाहरुको अनुगमन गरेको छ । अनुगमनका क्रममा देखेका राम्रा र सुधार गर्नु पर्ने पक्षका बारेमा जिल्लास्थित राजनीतिक दल र पत्रकारहरुले सुझाब दिएका छन् ।
अनुगमनमा सहभागि राजनीतिक दलका प्रतिनिधि र पत्रकारहरुले हरेक योजनाको नाङगो आँखाले हेरेर सबै कुरा ठिक छ भन्न नसकिने भन्दै योजनाको बजेट, लगत स्टमेट, कामको अबस्थाका बारेमा पुर्ण रुपमा तयारीका साथ अनुगमन गर्नुपर्ने कुरालाई जोड दिएका छन् ।
उनीहरुले राकाथुममा सञ्चालन भएको गोपि आधारभूत बिद्याल अत्यन्तै प्रभावकारी ढंगबाट सञ्चालन भएको, सडक स्तरोन्नतिका कामहरु द्रुत गतिमा भैरहेको र अरु पालिकाले नगरेको काम (सर्वपक्षीय अनुगमन) को सुरुवात गरेको प्रति प्रशंसा गरेका थिए ।
यो बारेमा तपाईको प्रतिकृया