अध्यक्ष खड्कालाई सम्पत्ति शुद्धिकरण विभागमा हाजिर गराइदै

रामेछाप, १८ पुष । रामेछाप जिल्लाको लिखु तामाकोशी गाँउपालिकाका अध्यक्ष गोबिन्द बहादुर खड्कालाई आइतवार सम्पत्ति शुद्धिकरण विभाग हाजिर गराइने भएको छ ।
पालिका अध्यक्षले अकुत सम्पत्ति कमाएकोले उक्त सम्पत्तिको छानविन गरिपाँउ भनि विभागमा उजुरी परेका कारण र यस अघि दायर भएको रिटमा शरिर बन्धक, ठगी र वलत्कारका मुद्धा सहित सम्पत्ति शुद्धिकरणको विषयमा समेत उल्लेख गरिएका कारण उनलाई हाजिर गराउन लगिने भएको हो ।
उच्च अदालतको विहिवार गरको रु ५ लाख धरौटिमा उनलाई रिहा गर्ने भन्ने फैसला अनुसार शुक्रवार जिल्ला कारागारले जिल्ला अदालतमा खड्कालाई बुझाइको थियो भने अदालतले प्रहरीलाई बुझाएको थियो ।
सम्पत्ति शुद्धिकरण विभागले जिल्ला प्रहरी कार्यालयलार्ई निज खड्का छुटिजाने हो भने यहा हाजिर गराउन भनि पत्र लेखेको र उक्त पत्रका वारेमा जिल्ला अदालतमा प्रहरीले राय वुझ्न पठाउदा जिल्ला अदालतले पनि आयोगमा हाजिर गराउनु भन्ने ब्यहोराको पत्र प्राप्त भएकोले आइतवार खड्कालाई आयोगमा हाजिर हुन पठाउने तयारी भैरहेको जिल्ला प्रहरी कार्यालय रामेछापका प्रमुख बसन्त पाठकले जानकारी दिनुभयो ।
वलत्कारको आरोपमा पुर्पक्षको लागि रामेछाप कारागारमा थुनामा रहेका अध्यक्ष खडकालाई थुनामुक्त गर्न विहिवार उच्च अदालतले आदेश दिएको थियो ।
६ महिना अघि शरिर बन्धक, ठगी र वलत्कारको आरोमामा खड्का प्रहरी हिरासतमा रहेपनि जिल्ला अदालत रामेछापले गर्दै शरीर बन्दक मुद्दामा २ लाख, ठगी मुद्दामा ५० लाखको टरौटी माग गर्दै बलात्कारको मुद्दामा पुर्पक्षको लागि जेल चलान गर्ने फैसाला गरेको थियो ।
जिल्ला अदालत रामेछापले गरेको फैसला चित्त नवुझेपछि खड्काले उच्च अदालत पाटनमा रिट दायर गरेका थिए ।
शरीर बन्दक मुद्दाको बारेमा जिल्ला अदालतको फैसला सदर गर्दै गठीको मुद्दामा ५० लाख धरौटी माग्ने फैसाला भने उच्च अदालतले बदर गरेका छ ।