रामेछाप १८ माघ । रामेछापको लिखु तामाकोशी गाउँपालिकाका अध्यक्ष गोविन्द वहादुर खड्काले आफु अब परिपक्व नेता भएको वताउनुभएको छ ।
सो कुरा उहाले आफ्नो कार्यभार पुनः संहाल्ने क्रममा आयोजित एक सभालाई सम्बोधन गर्दै वताउनु भएको हो ।
उहाले जिवनमा धेरै आरोह अवरोह आउने र त्यसलाई संयमित भएर प्रतिवाद गर्न सक्दा परिपक्व नेता भइने आफुलाई अनुभव यो अबधिमा भएको पनि वताउनुभयो ।
उहाले आफ्नै नजिकका सहायोद्धा साथीहरुले झुट्ठा मुद्दा लगाई आफु प्रति परेको अन्यायलाई सम्मानित अदालतले न्याय दिएको बताउनु भएको थियोे । उहाले आफु यस अघि पनि पालिकाको जनताका लागि २४ घण्टा खटेको र आगामी दिनमा पनि अहोरात्र खट्ने प्रतिवद्धता ब्यक्त गर्नु भएको थियो । उहाले आइतवारदेखि आफ्नो पदभार पुनः ग्रहण गर्नु भएको हो ।
२०७४ सालको स्थानीय तहको निर्वाचनमा तत्कालीन एमालेबाट निर्वाचित खड्कालाई यसअघि नेकपाले पर्टिमा साधारण सदस्य समेत नगरहने गरी कार्वाहि गरेको थियो ।
अध्यक्ष खडकालाई साउनमा व्यक्ति अपहरण तथा शरीर बन्धक, जबरजस्ती करणीको आरोपमा जिल्ला प्रहरी कार्यालय रामेछापले पक्राउ गरेको थियो । जिल्ला अदालत रामेछापले पूर्पक्षका लागि थुनामा पठाउने आदेश दिएर कारगार चलान भएका खड्कालाई उच्च अदालत पाटनले धरौटीमा छोड्ने आदेश दिएपछि खड्का जेल मुक्त हुनु भएको हो ।
जेल मुक्त भएसँगै अध्यक्ष खडकालाई सम्पत्ती शुद्धिकरण विभागले पुन पक्राउ गरी छानविन गरेको थियो । त्याहा बाट पनि उहा धरौटिमा नै रिहा हुनुभएकोे हो ।
यो बारेमा तपाईको प्रतिकृया