रामेछाप २४ फागुन । “महिलाको सुरक्षा, सम्मान र रोजगार ः समृद्धिको आधार” भन्ने मुल नाराका साथ आज १११ औ अन्तराष्ट्रिय महिला दिवस देशभर विविध कार्यक्रमा साथ मनाइएको छ ।
देशभर दिवस मनाउने क्रममा रामेछापको मन्थली नरपालिकामा पनि विबिध कार्यक्रमको आयोजना गरी मनाइएको छ । सो अवसरमा प्रभातफेरी, प्रवचन र सम्मान कार्यक्रम गरिएको थियो ।
मन्थली नगरपालिको आयोजना सम्पन्न उक्त कार्यक्रममा नेपाल महिला संघ कि सभापति गंगा अधिकारी , अन्तरपार्टि महिला सञ्जाल रामेछापकी अध्यक्ष शान्ता सापकोटा नेपाल पत्रकार महासंघ रामेछापकी उपाध्यक्ष मन्जु उप्रेति लगाएतले आ–आफ्नो मन्तव्य राख्नु भएको थियो ।
मन्थली नगर कार्यपालिकाकी सदस्य यसोदा श्रेष्ठको अध्यक्षता एबं जिल्ला समन्वय समितिकी उप–प्रमुख दीपा पाख्रीनको प्रमुख आतिथ्यतामा सम्पन्न उक्त कार्यक्रममा सक्रिय महिला पत्रकारको रुपमा नेपाल पत्रकार महासंघ रामेछापकी उपाध्यक्ष एबं नागरिक दैनिककी जिल्ला सम्वाददाता मञ्जु उप्रेति लगाएत अन्य विभिन्न विधाका ब्यक्तिहरुल्लाई सम्मान गरिएको थियो । सो अवसरमा मन्थली नगरपालिकाले सवारी चलक तालिमका महिला सहभागिहरुलाई प्रमाणपत्र समेत वितरण गरिएको थियो ।
यो बारेमा तपाईको प्रतिकृया