रामेछापमा सवारी दुर्घटना हुँदा दश जनाको मृत्यू

विवेक घिमिरे, रामेछाप । नौ महिनाको विचमा जिल्लामा सवारी दुर्घटनामा १० जनाको ज्यान गएको छ । बिभिन्न दुर्घटमा परी ९ महिनाको विचमा १० जनाले ज्यान गुमाएका हुन भने यस अबधिमा पाँच जना घाइते भएका छन् । जिल्ला प्रहरी कार्यालयको तत्थ्याँङ्क अनुसार चालु आर्थिक वर्ष २०७८÷०७९ को चैत महिनासम्म जिल्लाको विभिन्न स्थानमा भएको २८ वटा सवारी दुर्घटना परी दश जना सर्वसाधारणले ज्यान गुमाएका हुन् ।

नौ महिनाको विचमा जिल्लाको विभिन्न ठाउँमा दुर्घटना भएका र उक्त दुर्घटनामा परी १० जनाको ज्यान गएको जिल्ला प्रहरी कार्यालय रामेछापले जनाएको छ । प्रहरी प्रवक्ता श्रीशङ्कर श्रेष्ठका अनुसार यो अवधिमा ट्याक्टर दुर्घटनामा परी चार जना, बोलेरो दुर्घटनामा पाँच जना र ट्रक दुर्घटनामा परी एक जनाको ज्यान गएको छ ।
त्यस बाहेक विभिन्न ठाउँमा भएको दुर्घटनामा ज्यान गुमाउनेमा तीन जना ओखलढुङ्गा जिल्ला खिजिदेम्बा गाउँपालिकाका रहेका छन् भने अन्य जिल्लाभित्रकै नागरिकहरु रहेका छन् । यसरी ज्यान गुमाउने हरुमा असुरक्षित यात्रा गर्नै हरु पनि रहेको र उनीहरुले सवारी चलाउँदा सुरक्षामा ध्यान नदिनाले पनि धेरैले अकालमै ज्यान गुमाएका हुन् ।
यसरी दुर्घटनाका कारण मानबको ज्यान जानुमा चालकको लापरवाही, सडकको दुरावस्था र सवारी साधानको तिब्र गति भएको र यसलाई प्रहरीले न्युनिकरण गर्नका लागि धेरै प्रयास गरीरहेको जिल्ला प्रहरी कार्यालयका प्रमुख डिएसपी राजकुमार थिङ्गले जानकारी दिनुभयो ।