रामेछाप,२ पुष । रामेछापको उमाकुण्ड गाँउपालिका वडा नं ७ भुजीमा शनिबार अपराह्न बोलेरो जिप दुर्घटना हुँदा घाइते भएका ११ जना मध्ये ३ जनाको अबस्था गम्भिर रहेको छ ।
जिल्ला प्रहरी कार्यालय रामेछापका प्रहरी नायव उपरीक्षक राजकुमार थिङका अनुसार – लिखु तामाकोसी गाउँपालिका १ दुरागाउँबाट उमाकुण्ड ७ भुजीतर्फ जाँदै गरेको बा ११ च ७५९२ नम्बरको उक्त बलेरो भुजी स्थित एकराते पहरो भन्ने ठाँउमा दुर्घटनामा परेको हो ।
उक्त जीप कच्चि सडकमा अनियन्त्रित भई करिब ५० मिटर तल खसेको प्रहरीले जानकारी दिएको छ । घाइते मध्ये गम्भिर खालका विरामीहरुलाई आजै हेलिकप्टर बाट थप उपचारका लागि काठकमाण्डौ लगिएको छ भने बलेरोमा यात्रा गर्ने ११ जना नै यात्रीहरु घाइते भएका थिए ।
यो बारेमा तपाईको प्रतिकृया