२१ असार, २०७६
सुन्दर र समृद्ध मन्थली नगरपालिका निर्माणको अभियानमा जुटेको मन्थली नगरपालीकाले आगामी आर्थिक बर्ष २०७६/७७ को नीति तथा कार्यक्रम सार्वजनिक गरेको छ । नगरपालिकाले शुक्रबार पत्रकार सम्मेलन गरी आगामी आर्थिक वर्षको लागि तया गरिएको नीति तथा कार्यक्रममा नगरको मुहार चाँडै फेर्न सकिने प्रतिवद्धता समेत जनाएको छ ।
नगरपालिकाका नगर प्रमुख रमेश कुमार बस्नेतले नीति तथा कार्यक्रम प्रस्तुत गर्दै उक्त प्रतिबद्धता ब्यक्त गर्नुभएको हो ।
नगरले आफ्नो नारालाई पूरा गर्न आगामी आर्थिक वार्षका लागि ल्याइएको नीति तथा कार्यक्रम सफल बनाउनको लागि ८२ करोड ४ लाख ३९ हजार बजेट समेत ल्याएको छ ।
पत्रकार सम्मेलनमा नगर प्रमुख रमेश कुमार बस्नेतले शिक्षा, खानेपानी, पूर्वाधार निर्माण, कृषि तथा पशुविकास, लक्षित वर्ग , युवा तथा खेलकुद, स्वस्थ्य सेवा, पर्यटन, गरिबी निवरण तथा रोजगारी प्रर्वद्धन, नगरबाट प्रबहा हुने सार्वजनिक सेवा, सुशासन तथा क्षमता विकास, सिंचाइ, वातावरण लगायतका क्षेत्रलाई आर्थिक बर्ष २०७६/७७ को नीति तथा कार्यक्रम समावेश गरिएको बताउनुभयो ।
नीति तथा कार्यक्रम मार्फत प्रस्तुत बजेटमा उल्लेख भए अनुसार संघीय वित्तीय समानीकरण अनुदान तर्फ २० करोड ५९ लाख, संघीय शर्सत अनुदान तर्फ ३० करोड ९३ लाख, संघीय राजश्व बाडफाड तर्फ ११ करोड ५८ लाख, जलविद्युत रोयल्टी तर्फ १ करोड ४२ लाख ७० हजार, प्रदेश वित्तिय समानीकरण अनुदान तर्फ १ करोड ६ लाख २६ हजार, प्रदेश सशर्त अनुदान तर्फ ३० लाख, नगरको आन्तरिक आम्दानी तर्फ २ करोड ६५ लाख उल्लेख छ ।
नीति तथा कार्यक्रमममा समावेश गरिएका सबै काम पूर्ण रुपमा कार्यान्वयनका लागि नगरले कुनै पनि कसुर बाँकी नराख्ने कुरा पनि नगर प्रमुखले नीति तथा कार्यक्रममा उल्लेख गर्नु भएको छ । नगर प्रमुख बस्नेतले पत्रकारहरुले सोधेका धेरै जिज्ञासाको समेत जवाफ दिँदै आफ्नो कार्यकाललाई सुशासन र विकासका क्षेत्रमा पनि अब्बल बनाउने ईच्छा शक्ति आपूmमा भएकोले पनि आफ्नो अभियानबाट आफू कत्ती पनि बिचलित नहुने दाबी गर्नुभयो ।
यो बारेमा तपाईको प्रतिकृया