२३ असार, २०७६
मन्थली- मन्थली नगरपालिका वडा नं ७ को कार्यालयले सोमबार चालु आर्थिक बर्ष २०७५÷७६ को बिकास निर्माणको प्रभावकारीता बिषयक सार्बजनिक सुनुवाई सम्पन्न गरेको छ । वडा अध्यक्ष शुदर्शन प्रसाइको अध्यक्षतामा सम्पन्न उक्त कार्यक्रममा वडा भित्र सञ्चालन भएका योजनाको बारेमा जानकारी गराइएको थियो । वडा मार्फत सञ्चालन भएका योजनाहरुको बारेमा नागरिकहरुले सोधेको प्रश्नको जवाफ अध्यक्ष प्रसाइलेनै दिनुभएको थियो ।
मन्थली नगरपालिकाका नगर प्रमुख रमेश बस्नेतको प्रमुख आतिथ्यतामा सम्पन्न उक्त कार्यक्रममा चालु आर्थिक बर्ष भित्र सम्पन्न भएका ४३ वटा योजनाहरुको अहिलेको अबस्थाका बारेमा पनि जानकारी गराइएको थियो ।
सहभागिहरुले सोधेको जिज्ञासामा अध्यक्ष प्रसाइले कुनै पनि योजनामा भ्रष्टाचार र अनियमितता भएको पाइए आफू जस्तोसुकै मुल्य चुकाउन पनि पछि नपर्ने बतउनुभयो ।
जेष्ठ नागरिक लक्षित निःशुल्क स्वास्थ्य शिबिर
वडाले सार्वजनिक कार्यक्रम सँगै वडामा भरका जेष्ठ नागरिकहरुलाई लक्षित गरी निःशुल्क स्वास्थ्य शिबिर सञ्चालन गरेको छ । शिबिरबाट दुई सय बढीले निःशुल्क स्वास्थ्य सेवा लिएका छन् ।
उनीहरूलाई निःशुल्क उपचार सेवा सहित छाता र थर्मस प्रदान गरेर नगर प्रमुख रमेश बस्नेतले सम्मान गर्नुभएको थियो ।
ब्यवसायिक पशु पालक कृषकलाई क्यान बितरण
ब्यवसायिक पशुपालक कृषकलाई दुध बिक्रि गर्न तथा बजार सम्म लैजान सहज होस भन्ने उद्देश्यका साथ वडा कार्यालयले दुध राख्ने क्यान बितरण गरेको छ । वडा भित्र रहेका ७० जना ब्यवसायिक पशुपालक कृषकलाई नगर प्रमुख बस्नेतले क्यान बितरण गर्नु भएको हो । कार्यक्रममा बोल्दै प्रमुख बस्नेतले अब ब्यवसायिक दुध उत्पादन गरी बिक्रि बितरण गर्ने कृषकलाई प्रति लिटर १ रुपैयाका दरले नगरपालिकाले रकम थप गरिदिने बताउनु भयो ।
स्वस्थ आमा र शिशु पनि पुरस्कृत
वडा कार्यालयले २ बर्ष मुनीका बच्चाहरुको पोषण अबस्थाको लेखाजोखा गरी स्वस्थ बच्चाहरुको छनौट पश्चात प्रथम द्धितिय र तृतिय हुने आमा र शिसुलाई पुरस्कृत गरेको छ । सरी पुस्कृत हुनेहरुमा प्रथम, द्धितिय र तृतिय क्रमश चरिमाया तमाङ, दुर्गा माझी र कबिता श्रेष्ठ रहेका छन् । उनीहरूलाई पनि नगर प्रमुख बस्नेतले पुरस्कार बितरण गर्नुभएको छ । वडाभरबाट स्थानीय स्वास्थ संस्थामा ल्याइएका ३९ जना शिशुहरु मध्येबाट प्रथम, द्धितिय र तृतिय छनौट गरिएको हो । पोषण परिक्षणमा सहभागि सबै आमा र सिशुलाई सहभागिताको पुरस्कारको समेत ब्यवस्था गरिएको थियो ।
कार्यक्रममा नेकपाका जिल्ला नेता दिपकराज प्रसाई, नेपाल पत्रकार महासघका अध्यक्ष रमेश ढुंगेल, नगर कार्यपालिकाका सदस्य द्धय निर्माण माझी र श्री बहादुर माझी लगाएतले अरु वडाले गर्न नसकेको काम वडा नं ७ ले गरेको हुँदा यो सिकाइ नगरपालिकाका सबै वडाले गर्नु पर्ने कुरालाई जोड दिए ।
यो बारेमा तपाईको प्रतिकृया