तीन दिन अघि देखिको डढेलो अझै नियन्त्रणमा आउन सकेको छैन

रामेछाप,४ फागुन । रामेछाप जिल्लाको पुरानो सदरमुकाम रामेछाप वजार स्थित डिभिजन वन कार्यालय नजिक रहेको टाउके सामुदायिक वनमा लागेको डढेलो अझै नियन्त्रणमा आउन सकेको छैन ।
तीन दिन अघि देखि सुरु भएको डढेलो बाट रामेछाप बजार सहित आसपासका बस्ती जोगाउन जिल्ला वन कार्यलयका कार्यालय प्रमुख सहित सम्पुर्ण कर्मचारीहरु,नेपाली सेना, प्रहरी र स्थानीयहरु डढेलो नियन्त्रणमा खटिएका छन् ।

डढेलो लागेको उक्त समुदायिक वनमा अधिकांस सल्लाका रुखहरु रहेको र त्याहा रहेको सल्लीवीर बल्ने क्रममा आगो फैलिने क्रम जारी रहेको छ ।
डढेलो नियन्त्रणमा लिने प्रयास भैरहे पनि हाल सम्म नियन्त्रणमा आउन नसकेको रामेछाप नगरपालिका वडा नं–८ का वडाअध्यक्ष सन्तोष तामाङले बताउनुभयो ।

यसै विच रामेछापको रामेछाप नगरपालिका वडा नं –८ मा बिहिबार एक घर जलेर नष्ट भएको छ ।
बिहिबार दिउँसो वादी छापडाँडाका जित बहादुर हायुको घर र गोठमा आगलागि हुँदा घर तथा गोठ पूर्ण रुपमा जलेर नष्ट भएको प्रहरी चौकी रामेछाप ले जनाएको छ प्रहरी चौकी रामेछाप असई दिनेश प्रसाद चौलागाईका अनुसार वालवालिकाले आगो खेलाउँने क्रममा उक्त घटना भएको आसंका गरिएको छ ।