२६ असार, २०७६
मन्थली– नेविसंघ रामेछापले सरकार विरुद्ध राँके जुलुस निकालेको छ । तीन करोड नेपालीलाई विषादीयुक्त तरकारी तथा फलफूल खुवाउने गरी भारतबाट नेपाल भित्रने तरकारी नाकामा जाँच नगरी ल्याउने गरी निर्णय गरेको भन्दै त्यसको विरोधमा विहिबार साँझ सदरमुकाम मन्थलीमा नेविसंघले राँके जुलुस निकालेको हो ।
मन्थलीको देवकोटा चोक नजिकबाट निकालिएको राँके जुलुसलाई प्रहरीले अगाडी बढ्न नदिएपछि बजार परिक्रमा गर्ने योजना भने नेविसंघको बिफल भएको नेविसंघ रामेछापका एक नेताले नेपाल अभियानलाई जानकारी गराउनुभयो । नेपाली काग्रेसका पूर्व जिल्ला कार्यसमितिका सदस्य समेत रहनुभएका काग्रेस नेता दीपक खड्काको नेतृत्वमा निकालिएको राँके जुलुसमा नेविसंघ रामेछापका उपाध्यक्ष सुशिल बख्रेल, कोषाध्यक्ष युवराज सुवेदी लगायतको सहभागिता रहेको थियो ।
विषादी परीक्षण नगर्ने सरकारको निर्णय विरुद्ध नेविसंघले असार २३ गते देखि लगातार देशभरी विभिन्न किसिमका आन्दोलनहरु गर्दै आएको छ ।
यो बारेमा तपाईको प्रतिकृया