२८ असार, २०७६
मन्थली- दुई दिन देखिको नियमित बर्षाको कारण शनिबार बिहान दुई बजे देखि रामेछापमा विद्युत् पनि अबरुद्ध भएको छ ।
बाढी पहिरोको कारण ठाउँ-ठाउँमा विद्युतका पोल ढलेर विद्युत अबरुद्ध भएको नेपाल विद्युत प्राधिकरण रामेछापले जानकारी दिएको छ । सदरमुकाम मन्थलीबाट गाउँ सम्म लगेका पोल ढलेको जानकारी आए पनि कति पोल ढले भन्ने पूर्ण विवरण भने अहिले सम्म नआएको नेपाल विद्युत प्राधिकरण रामेछापका प्रमुख बिनोद अधिकारीले जानकारी दिनुभयो ।
सेवाग्राहीको समस्यालाई ध्यानमा राखेर चाँडो भन्दा चाँडो विद्युत प्रवाह गर्ने गरी आफूहरु लागि परेको पनि प्रमुख अधिकारीले बताउनुभयो ।
तत्काल सबै ठाउँमा विद्युत आपुर्ती गर्न नसके पनि सदरमुकाम मन्थली र मुख्य बजारहरूमा शनिबार बिहान १० बजे सम्ममा विद्युत आपुर्तीको लागि कार्यालय लागिरहेको उहाँले बताउनुभयो ।
यो बारेमा तपाईको प्रतिकृया