३० असार, २०७६
रामेछाप- उमाकुण्ड गाउँपालिकाले अविरल वर्षाका कारण आएको बाढी पहिरोबाट गाउँपालिकामा भएको क्षतिको विवरण माग गरेको छ । गाउँपालिकाले एक सूचना जारी गरी वडा नं १ गुम्देल देखि वडा नं ७ भुजी सम्ममा वर्षा सँगै आएको बाढी पहिरोले पुर्याएको पुर्याएको क्षतिको एकिन विवरण पेश गर्न भनेको छ ।
सूचनामा बाढी पहिरोले पुर्याएको क्षतिको सम्पूर्ण विवरण आफ्नो वडा कार्यालय वा सिधै गाउँपालिकाको कार्यालयमा असार मसान्त अर्थात असार ३१ गते भित्र आइपुग्ने गरी पेश गर्न अनुरोध गरिएको छ ।
गाउँपालिका अध्यक्ष शेर बहादुर सुनुवारले सूचना जारी गर्दै आफ्नो गाउँमा बाढी पहिरोले पुर्याएको क्षतिको विवरण संकलनमा राजनैतिक दल, प्रहरी प्रशासन, शिक्षक, कर्मचारी, युवा, विद्यार्थी लगायतलाई सहयोग गर्न अनुरोध समेत गर्नुभएको छ ।
यो बारेमा तपाईको प्रतिकृया