२३ भदौ, २०७६
खाँडादेवी- रामेछापको खाँडादेवी गाउँपालिकामा स्थानीय शासन कार्यविधि विषयक अन्तरक्रियात्मक संवाद भएको छ । इन्हुरेडको आयोजनामा भएको अन्तरक्रियात्मक संवादमा गाउँपालिकाका स्थानीय जनप्रतिनिधिहरुले अहिले पनि विभिन्न कारणले स्थानीय सरकारलाई कानूनी समस्या आइरहने बताएका छन् । उनिहरुले कानूनी समस्याले दर्गा अझै पनि सर्वसाधारणको काम सहज रुपमा गर्न नसकिएको गुनासो गरेको छन् ।
गाउँपालिकाका अध्यक्ष प्रेम तामाङको अध्यक्षतामा भएको कार्यक्रममा अधिबक्त कृष्ण प्रसाद भट्टराईले स्थानीय निकाय संचालन, कानूनी शुसासन समस्या र समधानको बारेमा सहजीकरण गर्नु भएको थियो । स्थानीय सरकारले भोग्दै आएका कानूनी समस्याको बारेमा संघिय संसदमा छलफल गराई समधानको बाटो खोजिने संस्थाले बताएको छ । जिल्लाका ६ ओटै गाउँपालिकाले स्थानीय सरकार संचालनमा भोग्दै आएका कानूनी जटिलताको बारेमा एक मुष्ट रुपमा संघिय संसदमा छलफल तथा समधानको लागि पेश गरिने संस्थाले जानकारी गराएको छ ।
इन्हुरेडका कार्यक्रम संयोजक इन्द्र सिंजालीले कार्यक्रमको सहजीकरण गर्नुभएको थियो । गाउँपालिकाको कार्यालयमा शनिबार भएको कार्यक्रममा गाउँपालिका उपाध्यक्ष मखमली श्रेष्ठ, सबै वडाका वडाध्यक्ष, कार्यपालिका सदस्य लगायतको सहभागिता रहेको थियो
यो बारेमा तपाईको प्रतिकृया