२५ भदौ, २०७६
रामेछाप- नेपाली काग्रेसले दोस्रो चरण अन्तरगतको मंगलबार देखि सुरु गरिएको रामेछाप प्रदेश क को जागरण अभियान कार्यक्रममा केही युवा नेताहरुले जागरण अभियानमै गुटको राजनीति भएको आरोप लगाएका छन् । उमाकुण्ड गाउँपालिका वडा नं ३ का वडा अध्यक्षा एवं काग्रेस युवा नेता रमेश सुनुवार, जित बहादुर कटुवाल र देब बहादुर बस्नेतले अन्तरक्रिया जस्तो कार्यक्रममा आउँदा स्थानीय नेता तथा कार्यकर्ताहरुलाई नै गुटको दृष्टिले हेरेको भन्दै उनिहरुले गुट बनाएको आरोप लगाएका हुन् ।
रमेश सुनुवारले भन्नुभयो– केन्द्र देखि जिल्ला हुँदै गाउँमा आउँदा विभिन्न गुट बनाएर कार्यक्रम गरियो, हामी स्थानीय कार्यकर्तालाई समेत कार्यक्रममा आफ्न भनाई नै राख्न नदिने गरी कार्यक्रम तयार गरियो, त्यसमा हामीले आपत्ती जनायौँ । जागरणको नाममा एउटा व्यक्तिको पद जोगाउन कार्यकर्तालाई नै बेवास्त गर्दा गाउँपकालिका काग्रेसलाई ठूलो घाटा पुग्छ ।’
केन्द्रको विधि विधान भन्दा बाहिरा गएर उमाकुण्ड काग्रेसका सबै वडाका सभापतिसँग समन्वय नगरी गाउँपलिका संयोजक तोकिएको समेत सुनुवारको आरोप रहेको छ । विभिन्न बहान बनाएर अभियान कार्यक्रममा आएका काग्रेसका जिम्मेवार नेतालाई केही व्यक्तिका कारण कार्यक्रम स्थलमा आउन नदिई सदरमुकाम मन्थलीबाटै फर्काइएको समेत उहाँको आरोप रहेको छ । कार्यक्रम गर्ने नाउमा विभिन्न गुट बोकेर आउने नेताहरुलाई गाउँमा आउन नदिने चेतावनी समेत उहाँले दिनुभएको छ । साथै उहाँले गाउँ आउँदा सबैलाई एउटै आँखाले हेर्ने गरी आए आफू जस्तो सुकै अबस्थामा पनि सघाउन तयार रहेको धाराण राख्नुभयो ।
पार्टीले कसैलाई विभेद गरेको छैन : सचिब बस्नेत
उता नेपाली काग्रेस रामेछापका सचिब विष्णु बस्नेतले उमाकुण्डको प्रितिमा गरिएको कार्यक्रममा वडा अध्यक्ष एवं काग्रेसका युवा नेता रमेश सुनुवारले भने जस्तो कसैलाई पनि विभेद नगरिएको दाबी गर्नुभएको छ । उहाँले भन्नुभयो– ‘भएका गुटलाई पनि अन्त्य गर्न कार्यक्रम गरिएको हो, कुनै गुटको नभई समग्र क्षेत्रको कार्यक्रम भएको हो । अन्तरक्रियामा आफूलाई मनमा लागेका प्रश्न र जिज्ञसा राख्न पाउँछन् । र त्यसको जवाफ पनि सम्बन्धित व्यक्तिबाटै आउने भएकाले कसैले कसैलाई गुटमा राखेर हेरिएको छैन् ।
यो बारेमा तपाईको प्रतिकृया