२६ भदौ, २०७६
रामेछाप- बजार बिक्री प्रतिनिधि संघ (नाम्स) को पोखरामा हुन गइरहेको प्रथम प्रदेश स्तरीय महाधिवेशनमा दुर्गा भुजेलले अध्यक्ष पदमा उम्मेदवारी घोषणा गर्नुभएको छ । रामेछाप घर भइ तनहुँमा विगत सात वर्ष देखि बजार बिक्री प्रतिनिधिका रुपमा क्रियाशिल भुजेलले यही भादौ २८ गते पोखरामा हुने नाम्सको अध्यक्ष पदमा आफ्नो उम्मेदवारी घोषणा गर्नुभएको हो ।
संघमा बिभिन्न राष्ट्रिय तथा वहुराष्ट्रिय कम्पनीका कर्मचारीका रुपमा काम गर्ने करिब दुई सय प्रतिनिधि रहेका छन् । संस्थाको दिर्घकालिन विकासलाई आफ्नो मुख्य एजेण्डा बनाएर उम्मेदवारी घोषणा गर्नुभएका भुजेलले आफू अध्यक्ष भएमा नेपाल बजार बिक्री प्रतिनिधि संघको आफ्नै कार्यालय खडा गर्ने, व्यवसायिक संघ संस्थासँग सहकार्य बढाउने¸ क्षमता अभिबृदीका तालिम चलाउने लगायतका कामहरु गर्ने प्रतिबद्धता व्यक्त गर्नुभएको छ ।
संस्था र संस्थाका सदस्यलाई कुनै समस्या पर्दा रात दिन नभनी खटेर समस्या समाधान गर्ने र आर्थिक सामाजिक अनुशासन पालना गर्ने आफ्नो स्वभाव रहेको बताउँदै भुजेलले महाधिवेशनमा मतदान प्रक्रिया भएमा आफ्नो जित निश्चित रहेको दावी गर्नुभएको छ । भुजेल प्रिमियर अर्गानिक्स प्रालिमा गोरखा, लमजुङ, तनहुँ लगायतका क्षेत्रमा कार्यरतका साथै नेपाल बजार बिक्री प्रतिनिधि संघ तगोल शाखाका अध्यक्ष समेत हुनुहुन्छ ।
यो बारेमा तपाईको प्रतिकृया