मन्थली, १३ मंसिर । रामेछापको विभिन्न पालिकामा लागु भएको वाख्रा जोन कार्यक्रम सञ्चालनका लागि सहज होस भन्ने उद्देश्यले प्रधानमन्त्री कृषि आधुनिकिकरण परियोजनाले खाँडादेवी गाँउपालिकाको पकरवासमा आयोजना गरेको बाख्रा पालक कृषकहरुको भेलाले ओमकार अधिकारीको नेतृत्वमा ९ सदस्यीय बाख्रा जोन सन्चालन समन्वय समितिको नयाँ कार्यसमिति पुनर्गठन गरेकाे छ ।
यस अघि गठन गरिएको समितिको म्याद समाप्त भएकोले पुनर्गठन गरिएको परियोजनाका कार्यालय प्रमुख थिरलाल गैरले जानकारी दिनुभयो ।
यसरी नवगठित समितिमा रहनेहरुमा उप–संयोजक, सचिव र सह–सचिबमा क्रमशः जयराम घिसिङ, के डी श्रेष्ठ र राम बहादुर तामाङ रहनुभएको छ भने अन्य सदस्यहरुमा क्रमश ः सादुराम ढुुंगेल, शान्ता भुजेल, लक्ष्मी कार्की ,भक्त बहादुर मानन्धर र इन्द्रमाया श्रेष्ठ रहनुभएको परियोजनाकी प्राबिधिक भवानी बस्नेतले बताउनुभयो ।
आफ्नो नेतृत्वमा गठित समितिले परियोजना सँग समन्वय गरी बाख्रा जोन सँग सम्बन्धित विभिन्न कार्यक्रमहरु सञ्चलन गर्ने समन्वय समितिका संयोजक ओमकार अधिकारीले बताउनुभयो ।
परियोजनाले जिल्लाको मन्थली नगरपालिका,खाँडादेवी र सुनापति गाँउपालिकालाई बाख्रा जोन घोषणा गरी विबिध कार्यक्रमहरु सञ्चालन गरिरहेको छ ।
यो बारेमा तपाईको प्रतिकृया