१ असोज, २०७६
मन्थली- ६२ जिल्लामा डेंगुको संक्रमाण बढिरहेको बेला रामेछापमा पनि डेंगुबाट संक्रमित भएका ११ जना व्यक्तिहरु भेटिएका छन् । रामेछाप जिल्ला स्थायी घर भई काठमाण्डौका विभिन्न अस्पतालमा स्वास्थ्य परिक्षण गराउँदा उनीहरुमा डेंगुको संक्रमण भेटिएको जिल्ला स्वास्थ्य कार्यालय रामेछापले जानकारी दिएको छ ।
जिल्लाका ११ जना व्यक्तिहरुमा संक्रमण भेटिएको भए पनि जिल्लामा डेंगुको संक्रमबाट बिरामी परेका ब्यक्तिहरु हाल सम्म नभेटिएको जिल्ला स्वास्थ्य कार्यालय रामेछापकी प्रमुख विद्या खनालले जानकारी दिनुभयो । ‘सबै जागौ सबै लागौ वरीपरी जमेको पानी हटाइ डेंगु भगाऔ’ भन्ने मूल नाराका साथ डेंगु ज्वरो नियन्त्रण सम्बन्धि एक दिने सचेतना मुलक अभियानका अबसरमा प्रमुख खनालले डेंगु ज्वरो पोथी प्रजातिको लामखुट्टेले टोक्दा आउने र लामखुट्टेले जमेको पानीमा फुल पार्ने र त्यस बाट बच्चा उत्पादन गर्ने भएकोले घरको १ सय मिटर वरीपरी पानी जम्न दिन नहुने बताउनुभयो ।
कार्यक्रमका अबसरमा बोल्दै जिल्ला अस्पताल रामेछापका मेडिकल अफिसर डा. मबिन अर्यालले आखाको भाग, हातको जोर्नी र मांसपेशि दुख्ने, जिउमा डाबर देखिने भुमिट हुने जस्ता लक्षणहरु देखियो भने डेंगु ज्वरो हुन सक्ने सम्भावना भएकोले यस्ता लक्षणहरु देखिना साथ तुरुन्तै जनिकैको स्वास्थ्य केन्द्रमा परीक्षण गराईहाल्नु पर्ने बताउनुभयो ।
जिल्ला समन्वय समितिका प्रमुख प्रेम बहादुर खड्काको अध्यक्षतामा सम्पन्न उक्त कार्याक्रमका अबसरमा प्रमुख जिल्ला अधिकारी लिला कुमारी केसी पाण्डेले जिल्ला स्वास्थ्य कार्यालयले सबै पालिकाका स्वास्थ्य प्रमुखहरुलाई आ–आफ्नो पालिकामा यस सँग सम्बन्धित जनचेतनाका लागि आबश्यक सहयोग गर्न अनुरोध गर्नुभयो । उहाँले विद्यालयका बिद्यार्थीहरु, सञ्चार माध्यम र समुदायिक प्रहरीलाई परिचालन एबं उपयोग गरी जनचेतनाका कार्यत्रमहरुलाई बृद्धि गर्नुपर्ने बताउनुभयो ।
कार्यक्रममा बोल्दै मन्थली नगरापालिकाका नगर प्रमुख रमेश कुमार बस्नेतले मन्थली नगरपालिकाले डेंगुको रोग लाग्नै नदिने र लागेपछिको उपचार गर्ने सम्बन्धि जनचेतनाको कार्यक्रम सुरु भैसकेको बताउनु भयो । कार्यक्रम जिल्ला स्वास्थ्य कार्यालय रामेछापको आयोजना तथा अमेरिकेयर्सको आर्थिक सहयोगमा भएको हो ।
यो बारेमा तपाईको प्रतिकृया