रामेछाप- नेपाल विद्युत प्राधिकरणले एक वर्ष अघि प्रयोगमा ल्याएको ग्राहाकको घर तथा कार्यालयमा नै नगई प्रविधिको प्रयोग गरेर मिटर रिडिङ गर्न स्क्ने प्रविधि रामेछापमा पनि भित्रिएको छ । स्मार्ट मिटर नाम दिएको उक्त प्रविधियुक्त मिटरले विद्युतका ग्राहाकको घरमा रहेको मिटरमा एक प्रकारको सेन्सर जडान गरेको हुने हुँदा प्राधिकरणको कार्यालयबाटै कुन ग्राहाकले कति विद्युत प्रयोग गरे र त्यस वापत के कति रकम तिर्नुपर्छ भन्ने जानकारी समेत उक्त प्रणालीबाट सहजै पत्ता लाग्छ ।
आफूले प्रयोग गरेको विद्युतको कति महसुल भयो भन्ने बारे जानकारी विद्युतका ग्राहाकलाई तुरुन्तै मोबाईलमा जाने हुँदा ग्राहाकलाई महसुल तिर्न समेत सजिलो हुने प्राधिकरण रामेछापको दावी रहेको छ ।
प्रविधिको प्रयोग गर्दै ग्राहाक तथा प्राधिकरणका कर्मचारीलाई पनि सहज रुपमा काम गर्ने वातावरण बनाउन उक्त प्रविधि लागू गरिएको रामेछाप विद्युत प्राधिकरण केन्द्रका प्रमुख विनोद अधिकारीको भनाई रहेको छ । उहाँका अनुसार पहिलो पटक त्यस्तो प्रविधि जडानमा औद्योगिक ग्राहाकलाई प्रमुख प्राथमिकतामा राखिएको छ । त्यसपछि घरेलु ग्राहाकमा उक्त प्रविधि पुर्याइने योजना रहेको छ । अहिलेको स्मार्ट मिटरमा सुरुमा मिटर राख्द निर्धारण गरिएको क्षमता भन्दा बढी विद्युत खपत गरे मिटर आफै बन्दा हुनेहँदा विद्युत वितरण केन्द्रहरुमा विद्युतको भार नपर्ने अधिकारको भनाइ रहेको छ ।
यस्तो प्रविधि प्रयोग पछि विद्युत चुहावट नियन्त्रण गर्न र चोरी नियन्त्रण गर्न सहयोग पुग्ने उहाँको विश्वास रहेको छ । यस अघि साधारण मिटर जडान गरेका ग्राहाकहरुलाई पनि सिविर मार्फत पुरानोलाई परिवर्तन गरी स्मार्ट मिटर निशुल्क जडान गरिने प्राधिकरणका प्रमुख अधिकारले बताउनुभयो ।
यो बारेमा तपाईको प्रतिकृया