करुण सिं बराइली,
रामेछाप- श्वेत गंगा हईड्रोपावरले रामेछापको लिखुतामाकोशी गाउँपालिकाको दुई स्थानमा राखेको निशुल्क स्वास्थ्य सिविरबाट सात सय बढी स्थानीयले स्वास्थ्य सेवा लिएका छन् । तल्लो लिखु जलविद्युय आयोजनाको काम गरी रहेको हाइड्रोपावरले आयोजनाबाट प्रभावित स्थानीयलाई लक्षित गरी राखेको दुई दिने सिविरबाट रामेछापको लिखुतामाकोशी गाउँपलिका र ओखलढुङ्गाको लिखु गाउँपालिकाका स्थानीयहरुले स्वास्थ्य सेवा लिएका हुन् ।
लिखुतामाकोशी गाउँपालिकाको वडा नं. २ सैपुफेदी र वडा नं. ४ रातमाटामा शुक्रबार र शनिबार राखिएको सिविरमा मुटु रोग, मृगौल रोग, स्त्री रोग, लगायतका रोग लागेका मानिस र सामान्य मानिसको स्वास्थ जाँच सहित औषधीउपचार गरिएको श्वेत गंगा हईड्रोपावरका सामाजिक सेवा प्रमुख बसन्त पौडेलले जानकारी दिनुभयो ।
सिविरमा जेष्ठ नागरिक, महिला, अशक्त र बालबालिकाको बढी सहभागिता रहेको पौडेलको भनाई रहेको छ । स्वयत गंगा हाईड्रोपावर कम्पनी लिमिटेडको आयोजना, भक्तपुर अस्पतालको प्राबिधिक सहयोग, रामेछापको लिखुतामाकोशी गाउँपालिका वाडा नम्बर २ र ४ तथा लिखु गाउँपालिका ओखलढुङ्गाको सहकार्यमा भएको सिविरमा स्थानीय संघ संस्थाको समेत साथ रहेको थियो ।
श्वेत गंगा हाईड्रोपावरले त्यस क्षेत्रमा तल्लो लिखु जलविद्युग आयोजना निर्माणको काम गरीरहेको छ ।
यो बारेमा तपाईको प्रतिकृया