पोखरा- राप्रपा निकट मिडिया नेपालको केन्द्रीय कोषाध्यक्षमा संचारकर्मी राधिका जोशी मनोनित हुनुभएको छ । मिडिया नेपालका अध्यक्ष गोपाल पौड्यालको अध्यक्षतामा पोखरामा सम्पन्न केन्द्रीय कार्यसमितिको पूर्ण बैठकले जोशीलाई कोषध्यक्षमा मनोयन गरेको हो ।
मिडिया नेपालको स्थापना कालदेखी केन्द्रीय सदस्यमा रहेर काम गर्दै आउनुभएको जोशीको पत्रकारीता प्रतिको इमानदारीता, लगाव र कार्य दक्षताका आधारमा कोषध्यक्षमा मनोयन गरिएको मिडिया नेपालले जनाएको छ । जोशी बिगत १५ वर्ष देखी रेडियो कालापानी, नेपाल टेलिभिजन जिल्ला संवाददाता, माउन्टेन टेलिभीजन, जनता टेलिभीजन हुँदै हाल प्राईम टाइम्स टेलिभिजनमा जिल्ला समाचार संयोजक हुनुहुन्छ ।
निरन्तर पत्रकारीतामा कलम चालउँदै आउनुभएकी जोशीले मिडिया नेपाल मार्फत पत्रकारका हक हितका लागि लड्ने बताउनुभएको छ । २५ वर्ष निरन्तर पत्रकारिता क्षेत्रमा खटिरहेका श्रमजीवि पत्रकाहरुलाई पेन्सनको व्यवस्था गर्न पनि मिडिया नेपालले माग गरेको छ । त्यस्तै उपाध्यक्षमा श्रीधर सुबेदी, कर्णाली प्रदेशको तर्फबाट उपाध्यक्षमा अंगत देवकोटा, सचिवमा कृष्ण खनाल, काठमाडौं उपत्यका संयोजकमा दिपेशराज थारु तथा केन्द्रीय सदस्यहरुमा रञ्जीत प्रसाई झापा, विजय राउत सुनसरी, सविता पोखरेल गोरखा लाई मनोनयन गरेको छ ।
साथै मिडिया नेपालको स्थापना दिवस आगामी चैत महिनामा प्रदेश नम्बर ५ को नेपालगन्जमा हुनेछ ।
यो बारेमा तपाईको प्रतिकृया