हेटौंडा- बागमती प्रदेश सरकारले प्रदेशका सबै स्थानीय तहका जनप्रतिनिधिहरुले पाउने सुविधा दिने भएको छ । प्रदेश सरकारले विभिन्न शिर्षक दिएर प्रदेशका जिल्ला समन्वय समिति, महानगरपालिका, नगरपालिका र गाउँपालिकाका जनप्रतिनिधिलाई सुविधा दिने भएको हो ।
सर्बोच्च अदालतले ६ वटा प्रदेशका स्थानीय तहका पदाधिकारी तथा सदस्यहरुले पाउदै आएको तलब लिन नपाउने फैसला गरेपछी रोकिएको सुविधा अब बागमती प्रदेशका जनप्रतिनिधिहरुले पाउने भएको हो ।
उक्त निर्णय आज मंगलबार बिहान बसेको मन्त्रीपरिषद् बैठकले गरेको हो । सो बैठकमा बागमती प्रदेश सरकारले यसअघि स्थानीय तहका जनप्रतिनिधिहरुलाई तलब भनेर कानून बनाएर सुविधा दिएपनि अब भत्ताका रुपमा मात्र सुविधा दिने निर्णय गरिएको आर्थिक मामिला तथा योजना मन्त्री कैलाश प्रसाद ढुंगेलले बताउनुभयो ।
प्रदेशको आर्थिक मामिला तथा योजना मन्त्रालयले पेस गरेको प्रदेश विशेष अनुदानका योजनाहरु स्वीकृत गर्ने निर्णय गरेको सरकारको प्रवक्ता समेत रहनुभएका ढुंगेलले बताउनुभयो ।
यसैगरी बैठकमा प्रदेशको उद्योग, पर्यटन, वन तथा वातावरण मन्त्रालयले पेस गरेको सेठ घर हात्तिसार कार्यालय हस्तान्तरण गर्ने निर्णय गरेको छ ।
समाचार श्रोत-तु खबर
यो बारेमा तपाईको प्रतिकृया