रामेछाप- तामाकोशी नदीमा शुक्रबार राती नदीसँगै आएको बाढीका कारण रामेछाप विमानस्थल विस्तारको काम अवरुद्ध भएको छ । लेकसाईटमा परेको पानीका कारण बाढी आएपछि नदी किनारमा लगाईदै गरेको ग्याविन वालमा समेत क्षति पुगेको छ । ग्याविन वाल लगाउन नदीमा बनाईएको अस्थायी बाँद फुटेपछि ग्याविन वाल पुर्नुको साथै काम गर्न समेत अवरुद्ध भएको निर्माण कम्पनीका प्रतिनिधि नारायण बोगटीले बताएका छन् ।
१५ महिनामा सक्ने गरी चार महिना अघि सम्झौता भएर काम सुरु गरिएको उक्त विमानस्थलको काम वर्षा याम अघिनै सक्ने गरी काम थालिएको भएपनि कोरोना नियन्त्रणको लागि लगाईएको लकडाउनका कारण ढिला भएको काम हप्तौ लगाएर बनाएको बाँद बाढीले फुटाएपछि झन काम लम्बिने अवस्थामा पुगेको बोगटीले बताए ।
लकडाउनको समयमा पनि ठूला आयोजना संचालनमा ल्याउने सरकारको निर्णय अनुसार बाँद निर्माण गरेर काम सुरु नगरे राज्यलाई करोडौ घाटा लाग्ने समेत बोगटीले बताएका छन् ।
तामाकोशी नदीमा आएको बाढीका कारण बाँद फुटेपछि स्थलगत अवलोकनमा पुगेकी प्रमुख जिल्ला अधिकारी रुद्रादेवी शर्माले सम्झौता अनुसार काम गर्ने गरी छलफल गरेर काम अगाडि बढाउन सकिने बताएकी छिन् ।
यो बारेमा तपाईको प्रतिकृया