रामेछाप- कोरोना भाइरस (कोभिड–१९) को उपचारमा संलग्न डाक्टरहरुका लागि व्यक्तिगत सुरक्षाका सामाग्री नहुँदा कोरोना भाइरस आसकं गरिएका व्यक्तिहरुको उपचारमा समस्या भइरहेको बेला नेपाल ईन्जिनियर्स एशोसियसनले रामेछापमा स्वाब संकलनका लागि प्रयोग हुने बुथ उपलब्ध गराएको छ । नेपाल ईन्जिनियर्स एशोसियसन बागमती प्रदेश कार्यकारिणी समितिले निर्माण गरेको एक थान स्वाब संकलन बुथ रामेछापका प्रमुख जिल्ला अधिकारी मार्फत रामेछाप जिल्ला अस्पताललाई शुक्रबार हस्तान्तरण गरेको हो ।
विश्वालाई नै आतंकित पारीरहेको कोरोना भाइरस नियन्त्रणको लागि अग्रपंक्तीमा रहेर भाइरससँग जुध्ने स्वास्थ्यकर्मीको सुरक्षको लागि तयार परिएको स्वाब संकलन बुथले स्वास्थ्यकार्मीलाई काम गर्न सहज हुनुको साथै पिपिई खरिद गर्न हुने लाखौ खर्च समेत बचत हुने नेपाल ईन्जिनियर्स एशोसियसनले बताएको छ ।
नेपाल इन्जिनियर ईन्जिनियर्स एशोसियसन बागमती प्रदेश कार्यकारिणी समितिका सदस्य ईन्जियर सरोज कार्की सहितको टोलीले उक्त बुथ हस्तान्तरण गरिएको ईन्जिनियर कुुसुम भट्टराईले जानकारी दिनुभयो । नेपालका सबै जिल्लामा उपलब्ध गराउने गरी निर्माण गरिएका स्वाब संकलन बुथ बागमती प्रदेशका पाँच जिल्लामा बितरण गरिसकिएको र बाँकी जिल्लाहरुमा पनि वितरण गरिने भट्टराईले बताउनुभयो ।
यो बारेमा तपाईको प्रतिकृया