रामेछाप– नेपाल कम्युनिष्ट पार्टी रामेछापले ४२ औं पुष्पलाल स्मृति दिवसको अवसरमा वृक्षारोपण गरेको छ । रामेछाप नगरपालिका वडा नं ८ स्थित बिटार पार्कमा सो पार्टीले अशोका, नरिवल, आँप, लिची, केरा लगाएतका एक दर्जन उन्नत प्रजातिका करिव एक सय विरुवा रोपेको हो ।
विगतमा वृक्षारोपण मात्रै गर्ने र त्यसको संरक्षण नगर्ने परिपाटीले वृक्षारोपण प्रतिको आकर्षण गिरावट आएका कारण रोपेका विरुवालाई दिर्घ जिवीरुपमा संरक्षण गराउनका लागि पार्टीले पार्कमा वृक्षारोपण गरेको र रोपेका सवै विरुवा हुर्काउने कार्यमा पार्टी क्रियासिल हुने कार्यक्रमका अवसरमा प्रतिवद्धता व्यक्त गरिएको थियो ।
बृक्षारोपण कार्यक्रमको आरम्भ गर्दै पार्टी नेता आनन्द श्रेष्ठले कम्युनिष्ट पार्टीको निमार्णमा पुष्पलालको भुमिका अतुलनिय रहेको भन्दै त्यसको लागि सवै नेता तथा कार्यकर्ताहरुलाई इमान्दारी पूर्वक लाग्न आग्रह गरे । पार्टीेको झण्डा र व्यानर राखेर वृक्षारोपण गर्नका लागि जिल्ला र नगरतहका नेता कार्यकर्ताहरु पनि पुगेका थिए । कार्यक्रममा यो पटक जिल्ला इन्र्चाज, अध्यक्ष, सचिव र केन्द्रियस्तरका नेता भने उपस्थित भएका थिएनन् । त्यसैगरी पार्टीले सोही वडाको भंगेरी स्थित पुष्पलाल पार्कमा पुगेर पुष्पलालको शालिकमा माल्र्यपण समेत गरेको थियो ।
यो बारेमा तपाईको प्रतिकृया