रामेछाप– जिल्लाको मन्थली नगरपालिका वडा नं–५ सुनारपानीका हिरालाल आचार्य (अनार बाजे) ले आफुले १८ फिटको खुर्सानीको रुखमा खुर्सानी फलाउनु भएको छ ।
अनार बाजेका रुपमा चिनिने आचार्यले हिजोआज अनारका अलावा, तरकारी खेति गर्ने बिभिन्न किसिमका नगदेवालीहरु लगाउने र बिरुवाहरु उत्पादन गर्नु भएको छ ।
आचार्यले बर्षमा “अनारको सिजन एकपटक अरुको सिजन पटक–पटक” भन्दै अन्य खेतितिर पनि लागेको बताउनु भयो । उहाले अहिले १८ फिटको रुखमा अकवरे खुर्सानी फलाउनु भएको छ ।
उहाले यस अघि भारतको नागाल्याण्डका एक कृषकले १४फिट अग्लो खुुर्सानीको रुखमा खुर्सानी फलाएर गिनिज बुकमा नाम लेखेको भएपनि आफ्नो त्यो भन्दा ४ फिट बढि अग्लो खुर्सानीको रुखमा खुर्सानी फलिरहेको दाबी गर्नुभयो ।
उहाको अहिले अनारको दाना र बेर्नाबाट पनि रामै्र कमाई छ । त्यति मात्र हैन उहाले खुर्सानी सँगै दुई सय पचास भन्दाबढि जातका फुलहरु, आप, कागति, कागति बदाम,मुन्तला लगाएतका बिभिन्न प्रजातिका बिरुवाहरुपनि उत्पादन गर्नु भएको छ । सिजनका तरकारीहरु पनि उहाको बगैचामा जतातै फलेका छन् । त्यतिमात्र हैन उहाले आप, मरिच, किसमस टि, रुद्राक्ष, एबोगाडो, बुद्ध चित्त समेत फलाइर ति चिजहरु बिक्रिबाट मासिक ५० हजार आम्दानी गर्ने गर्नुभएको छ । सरकारी जागिर अन्तर्गत निजामति क्षेत्रको वन रक्षक पदमा कार्यरत आचार्य ५८ बर्ष उमेर सम्म जागिर खान पाउने हुँदाहुँदै पनि १० बर्ष अघिनै पेन्सन हुनासाथ जागिर छाडेर फलफुत तथा तरकारी खेति तर्फ लाग्नु भएको हो । उहाले जो सुकै युवालाई पनि बैदेशिक रोेजगारमा जानु भन्दा स्वदेशमै मेहनत गर्ने हो भने राम्रो आम्दानी हुने सन्देश दिने गर्नु भएको छ ।
यो बारेमा तपाईको प्रतिकृया