रामेछाप–बागमति प्रदेशका आर्थिक मामिला तथा योजना मन्त्री कैलाश प्रसाद ढुंगेलले रामेछाप जिल्लालाई बागमति प्रदेशकै एक नंम्बरको जिल्ला बनाउने घोषणा गर्नु भएको छ ।
अन्तराष्ट्रिय युवा दिवस–२०७७ को अबसर पारेर रामेछाप सहयोगी मनहरू (रासम) द्धारा आयोजना गरिएको बिटार पार्क उद्घाटन, झण्डोत्तोलन तथा हस्तान्तरण कार्यक्रमका अवसरमा उहाँले सोकुरा बताउनु भएको हो ।
उहाँले वर्तमान अबस्थामा प्रदेशको सातौ स्थानमा रहेको यस जिल्लालाई आफ्नो कार्यकालभरी एक नंम्बरको जिल्ला बनाउने प्रतिबद्धता ब्यक्त गर्नुभयो ।
कार्यक्रमका अबसरमा मन्त्री ढुंगेलले जिल्लामा सबैभन्दा पहिले पार्कको अबधारणा ल्याउने ब्यक्ति आफै भएको पनि दाबी गर्नुभयो ।
उहाँले तत्कालिन अबस्थामा आफूले जिल्ला बिकास समितिको सभापति भएको बेलामानै हाल मन्थली–१ हाटेचउरमा रहेको गंगालाल,पुष्पलाल र कृष्णलालको मूर्ति राखि पार्क निर्माण गरेपछि अहिले त्यस पार्कको नाम नै तीनलाल पार्क भएको बताउनु भयो । भंगेरीमा पनि पुष्पलाल पार्क बन्नलागेको र बिटारमा पनि राम्रो खालको पर्क बन्न सुरु भएको प्रति प्रशंसा गर्नुभयो ।
उहाले बिटारको यो पार्क देशभरकै नमूना पार्कको रुपमा निर्माण गर्न आफुले सकेको सहयोग गर्ने तर त्यसका लागि आबश्यक डिपिआर तयार पारेर फागुन भित्र आफ्नो मन्त्रालयमा आउन आग्रह गर्नुभयो ।
कार्यक्रमका अबसरमा उहाँले अब रामेछाप आउने पाहुनालाई तिनलालको चित्र अंकित, र रामेछापका हिमाल, झरना जडिबुटि, मठ मन्दिर झल्कने खालको मायाको चिनो दिन सक्नु पर्ने र पर्यटकहरुले कोसेलीका रुपमा यस्ता पार्कहरु र जिल्लाको पहिचाहन हुने खालका तस्बीरहरू किनेर लैजाने वातावरण सृजना गर्नुपर्ने कुरालाई जोड दिनुभयो ।
सो अबसरमा बोल्दै जिल्ला समन्वय समितिका अध्यक्ष प्रेम बहादुर खड्काले जिल्लामा यस्ता पार्कहरुले पर्यटक आकर्षण गरी आय आर्जनमा समेत टेवा पुग्ने र दुई चार जनालाई रोजगारीको समेत अबसर सृजना हुने बताउनुभयो । उहाले जिल्लाका धेरै स्थानहरुमा यस्ता पार्क निर्माण गर्न सकिने बताउनुभयो ।
मन्थली नगरपालिकाका प्रमुख रमेश बस्नेतले पार्क बनेको स्थल आफ्नो पालिका भित्र नपरे पनि आफुले पार्कलाई ब्यवस्थित बनाउन सकेको सहयोग गर्ने बताउनुभयो ।
प्रमुख जिल्ला अधिकारी रुद्रादेवी शर्माले यस्ता पार्कहरुले जिल्लाको सौन्दर्यता बृद्धि गर्नुका साथै मानिसहरु आएर २÷४ घण्टा मनोरन्जन लिनसक्ने स्थलका रुपमा लिइने भएकाले पार्कहरुलाई ब्यवस्थितगर्न सबैले सहायोग गर्नुपर्ने बताउनुभयो ।
कार्यक्रमा अबसरमा पत्रकार महासंघ बागमति प्रदेशका सदस्य बद्रि नयाँघरेले रामसले पार्क निर्माणमा गरेको योगदानको मुक्त कण्ठले प्रसंसा गर्दै रामेछाप नगरपालिकाका नगर प्रमुख नरबहादुर थापा मगरले पठाउनुभएको शुभकामना सन्देश वाचन गरेर सुनाउनु भएको थियो ।
सो अबसरमा नेपाल पत्रकार महासंघ रामेछापका पूर्ब अध्यक्ष हिमाल ढुंगेलले नागरिकहरूबाट आफ्नो गास काटेर गरिएको पार्क निर्माण प्रति खुसी ब्यक्त गर्नुभयो । उहाँले पार्कलाई ब्यवस्थित र आकर्षक बनाउन अर्थमन्त्री बाट रासमले ठुलो सहायोगको अपेक्षा गरेको बताउनुभयो ।
सो अबसरमा स्थानीय शिक्षक नारायण घिमिरेले पार्कको अबस्थाका बारेमा जानकारी गराउनुका साथै रामसमको अबधारणा र उपलब्धीका बारेमा सदस्य केशव अमोल तिमिल्सीनाले जानकारी गराउनु भएको थियो । कार्यक्रमका अबसरमा आफनो मन्तब्य राख्दै लकडाउनको मौका छोपी आफुहरुले फुर्सदको समयलाई यस पार्कबनाउन सदुपयोग गरेको रासमका सदस्य बिपीन भट्टराइले बताउनुभयो ।
रासमका सम्पुर्ण सदस्यहरुको सामुहिक अध्यक्षता एबं बागमति प्रदेशका आर्थिक मामिला तथा योजना मन्त्री कैलाश प्रसाद ढुंगेलको प्रमुख आतिथ्यतामा सम्पन्न उक्त कार्यक्रममा पार्कको उद्घाटन तथा झण्डोत्तोलन मन्त्री ढुंगेलले गर्नु भएको थियो । त्यसैगरी पार्कको साचो भने ब्यवस्थापन समितिका संयोजक सुनिल रायलाई रासमका सदस्यहरुले हस्तान्तरण गरेका थिए ।
कार्यक्रमका अबसरमा पार्क निर्माण गर्न सहयोग गर्ने सबै सहायोगी दाताहरूलाई मायाको चिनो हस्तान्तरण गरिएको थियो । 
पार्कमा पिङ,शारिरीक अभ्यासका समानहरु,लिपुलेक र लिम्पियाधुरा सहितको नेपालको नक्सा,गोर्खालीको हतियार खुकुरी,ढुंगा र रुखहरुलाई कलात्मक ढंगले सिगारिएर बनाइएका बिभिन्न आकृतिहरु रहेका छन् ।
यो बारेमा तपाईको प्रतिकृया