रामेछाप–रामेछाप जिल्लाको मन्थलीमा बिहिबार बसेको जिल्ला संकट ब्यवस्थापन केन्द्रको बैठकले शुक्रवार देखि रामेछाप जिल्लामा लकडाउनलाई थप कडाइगर्ने निर्णय गरेको छ ।
बिश्वभर फैलिएको कोभिड–१९ को संक्रमण जिल्लामा पनि बढ्न थालेपछि थप कडाइ गर्न लागिएको हो । यस अघि ३१ जना मात्र संक्रमित रहेको यस जिल्लामा बिहिबार थप २ जनालाई कोरोना सक्रमणको पुष्टी भएपछि संक्रमितको संख्या ३३ पुगेको छ ।
प्रमुख जिल्ला अधिकारी रुद्रादेवी शर्माको अध्यक्षतामा बसेको बैठकले यस अघि बिहान ५ बजेदेखि दिउसो ४ बजे सम्म सञ्चालन हुदै आएका ब्यपार ब्यवसायहरु शुक्रवार देखि बिहन १० बजे सम्म मात्र खुल्लागर्ने, जिल्ला भित्र र वाहिरका अत्याबश्यक सेवा बाहेकका सबै खाले सवारी आवागमन बन्द गर्ने र जिल्ला भित्रिने बिभिन्न नाकाहरु (खिम्ति, धारापानी,साँघुटार,सेलेघाट,खैरेनीघाट,लुभुघाट) बाट बेलुका ७ बजे देखि बिहान ५ बजे सम्म पैदलयात्रीको आवागमनमा रोक लगाउने निर्णय भएको छ ।
त्यसैगरी शिक्षण संस्था,टयुसन सेन्टर, तालिम गोष्ठी, सभा सम्मेलन तथा मानिस जमघटहुने सबै खालका कार्यहरु बन्द गर्ने, धार्मिक स्थलहरुमा दैनिक हुने नित्य पुजा बाहेक मानिसहरु पुजाआजका लागि जमघटहुने,नाचगान गर्ने जस्ता कार्यहरु बन्दगर्ने लगाएतका २१ बुँदे निर्णयहरु गरिएको छ ।
यो बारेमा तपाईको प्रतिकृया