रामेछाप–जिल्ला प्रशासन कार्यालय रामेछापले देशभरका ७७ वटै जिल्ला प्रशासन कार्यलयलाई पत्राचार गर्दै जिल्लामा भित्रने जुनसुकै खालका सवारीसाधनका लागि आफ्नो कार्यालयको सहमति अनिबार्य गरेको छ ।
शुक्रवार प्रशासकिय अधिकृत भाष्कर दाहालद्धारा हस्ताक्षरीत पत्रमा अन्य जिल्लाबाट रामेछाप जिल्लामा भित्रिने सबै खाले सवारी साधनको पास जारी गर्दा यस जिल्लाको अनुमति लिएमा मात्र सहमति दिने अन्यथा सहमति बिना आएका सवारी साधनलाई प्रस्थान बिन्दुमै रोक्ने निर्णय जिल्ला स्तरीय संकट ब्यवस्थापन केन्द्र रामेछापको २०७७ साउन २९ गते बसेको बैठकले गरेकोले सोहि अनुसारको ब्यवस्था हुन सबै जिल्ला प्रशासन कार्यालयलाई अनुरोध गर्ने कुरा उल्लेख गरिएको छ ।
जिल्ला प्रशासनले उक्त कुरा २०७७ साउन ३० गते च नं २७७ बाट देशभरका ७७ वटै जिल्ला प्रशासन कार्यालयलाई पत्राचार गरी गृह मन्त्रालय शान्ति सुरक्षा तथा अपराध नियन्त्रण शाखामा समेत बोधार्थ पठाएको छ ।
यो बारेमा तपाईको प्रतिकृया