रामेछाप–रामेछाप नगरपालिका बडा नं–८ ले आफ्ना वडावासिहरुलाई हिलटेक ट्ंयाँकी वितरण गरेको छ । उक्त कार्यालयले आ.व २०७६÷७७ सालको वडा कृषि प्रसार कार्यक्रमको शिर्षक बाट आफ्ना वडाबासिहरुलाई ५०० लिटर क्षमताको हिलटेक ट्ंयाँकी वितरण गरेको हो ।
कार्यालयले बुधबार स्थानीय शारदा संस्कृत मावि हाताभित्र साविकका वडा नं–१ डुम्रिखर्क र बडा नं–२ को सल्लेका नागरिकहरुलाई रामेछाप नगरपालिकाकी उप प्रमुख सृजना खड्काद्धारा ट्ंयाँकी वितरण गरेको हो । बढ्दो कोभिड–१९ को संक्रमण बाट जोगिनका लागि वडाबासीहरुलाई ट्ंयाँकी संगै एक÷एक थान मास्क र हात धुने साबुन वितरण गर्दे उप प्रमुख खड्काले वस्ती र वडाको विकास विना नगरको विकास असंम्भब भएको बाताउनु भयो । उहाले नगरपालिकाको विकासकालागि पनि वडाको विकास अत्याआबश्यक रहेको भन्दै वडा कार्यालयले गरेको कामको प्रशंसा गर्नुभयो ।
वडा अध्यक्ष केदार कार्कीको अध्यक्षतामा भएको उक्त कार्यक्रममा २ सय ३० घर परिबारलाई ५ सय लिटर क्षमताको ट्ंयाँकी उपलब्ध गराइएको थियो । सो अबसरमा आफ्नो धारणा राख्दै अध्यक्ष कार्किले गत बर्षको वडा कृषि प्रसार कार्यक्रमको बजेट बाट साविकको २ वटा वडा डुम्रिखर्क र सल्लेका लागि पहिलो चरणमा टयाँकि वितरण गरेको र चालु आवको कार्यक्रमबाट वडाका सबै वस्तीहरुको घर घरका लागि यस प्रकारको टंयाँकी वितरण गर्ने कामलाई निरन्तरता दिइने जानकारी गराउनुभयो ।
जाँगर लगाउने वडावासीलाई सो ट्ंयाँकीमा पानी संकलन गरी आय आर्जनको बाटो खुलाउन र कम्तिमा पनि आफ्नो व्यवहारीक प्रयोजनका लागि आबस्यक पर्ने तरकारी उत्पादन गर्न सकुन भन्ने उदेश्यले ट्ंयाँकी वितरण गरिएको जानकारी पनि वडाध्यक्ष कार्कीले गराउनु भयो ।
न्यानो साना किसान सहकारी संस्था बावियाखर्कका अध्यक्ष बालकृष्ण घिमिरेले वडा कार्यालयले गरेको काम प्रति आभार प्रकट गर्दे भोलिका दिनमा वडाको तर्फबाट यस्तै रचनात्मक कामको अपेक्षा गर्नुभयो ।
यो बारेमा तपाईको प्रतिकृया