रामेछाप–रामेछाप जिल्लामा युरिया मल अभाव भएपछि जिल्ला भुतपूर्ब सैनिक बचत तथा ऋण शहकारी सस्थाले
मन्थलीमा २ सय बोरा मल बितरण गरेपनि मलको अझै अभाव कायमै रहेको छ ।
पाए २ बोरा नपाए १ बोरा घर लैजान मन्थली आएका किसानहरुले आधा बोरा मात्र मल पाएका छन । तर उक्त आधा वोरा पनि लाइनमा वसेका आफु जस्ता किसानहरु सबैले नपाएको स्थानीय कृषक ऋषि शंकर घिमिरेले बताउनु भयो ।
भूपू सैनिक बचत तथा ऋण सहकारी सस्थाका उपाध्यक्ष शिब ध्वज कार्कीले पछि थपिएका केहि कृषकहरुले मल नपाएको भएपनि लाइनमा वसेर नाम टिपाएका सबैलाई प्रति बोरा रु १ हजार १ सय का दरले आधा आधा वोरा भएपनि मल पुरयाएको दावी गर्नुभयो । उहाले सहकारीले ल्याएको ४ सय बोरा यूरिया मल मध्ये २ सय बोरा मन्थली नगरपालिका र २ सय बोरा रामेछाप नगरपालिकाका लागि भएकोे जानकारी दिनुभयो ।
प्रमुख जिल्ला अधिकारी रुद्रादेवी शर्माले अब रामेछाप जिल्लामा रसायनिक मलको अभाव नहुने बताउनु भएको छ । आफुले ब्यक्तिगत पहलमा पनि अन्य जिल्लाको तुलनामा बढि नै मल मगाएको बताउनुभयो ।
यतिबेला कृषकहरुको धान पसाउने बेला भएको र धान पसाउने बेलामा रसायनिक मल खेतमा अनिबार्य हाल्नु पर्ने भएकोले र लक डाउनका बेला मल नपाउने सक्ने सम्भावनालाई मध्यनजर गर्दै हिउदे वालीलाई पनि मल आबश्यक पर्ने हुँदा स्टक राख्न पनि किसानरुले बढि मल माग गरेका हुन् ।
सहकारीले ल्याएको ४ सय बोरा मध्ये २ सय बोरा मन्थली नगरपालिका र २ सय बोरा रामेछाप नगरपालिकाका लागि ल्याइएको उपाध्यक्ष कार्कीले जानकारी दिनुभयो ।
यस अघि नियमित मल ल्याए बिक्रि गर्ने पदम लामाले युरिया मल को काम गर्ने भनेर एमोनियम सल्फेट मल भन्दै प्रतिबोरा रु १ हजार ८ सयका दरले यूरिया मल बिक्रिगरेपछि प्रशासनले पक्राउ गरेको थियो । मलको अत्याबश्यक भएपछि कोरोना संकट का बेला किसानहरुलाई आफ्नो ज्यानको भन्दा पनि बालीनालिको माया भएका कारण सयौको सख्यामा मानिसहरु लाम बद्ध भएका थिए । नत उनीहरुमा सामाजिक दुरी कायम थियो नत सबैको मुखमा माक्स नै ।
यो बारेमा तपाईको प्रतिकृया