रामेछाप । रामेछापको उमाकुण्ड गाउपालिकाको सिमानामा रहेको लिखु खोलामा निर्माणाधिन जलबिद्युत आयोजनाले सामाजिक उत्तरदायित्व पुरा गर्ने लिखित प्रतिबद्धता गरेको छ ।
यो सहमति सँगै पालिका र हाइड्रोपावर बिच पटक पटक हुने गरेको बिबाद अन्त्य भएको छ ।
एक साता अघि उमाकुण्ड गाँउ पालिकाको कार्यालयमा पालिका अध्यक्ष शेर बहादुर सुनुवार, उपाध्यक्ष उर्मिला कार्की, प्रमुख प्रशासकिय अधिकृत इश्वरी प्रसाद सुबेदी सहित कार्यपालिकाका सम्पूर्ण सदस्यहरु र हाइड्रो पावरका प्रमुख सल्लाहकार डिल्लीराम गिरी, महाप्रबन्धक दिपक नेपाल, निर्देशक राजन खत्री,प्रमुख कार्यकारी अधिकृत दिपक पौडेल सहित बसेको बैठकले १९ बुँदे साझा सहमति गरेको हो ।
दुगर्डग्रुपले रामेछाप जिल्लाको सिमाना भएर बग्ने लिखु खोलामा लिखु–ए बाट २९ दशमलब ८ मेघावाट, लिखु–१ बाट ७७ मेघावाट र लिखु–२ बाट ५२ मेघावाट गरी कुल १ सय ५८ दशमलब ८ मेघावाटका ३ वटा आयोजनाहरुको काम सञ्चालन गरिरहेको छ ।
नेपाल बिद्युत प्राधिकरणसँग बिद्युत खरिद सम्झौता गरिसकेको यी आयोजना मध्ये लिखु–ए को ९० प्रतिशत, लिखु–१ को ४० प्रतिशत र लिखु–२ को ६० प्रतिशत काम सम्पन्न भैसकेको आयोजनाले जनाएको छ ।
यस आयोजनाबाट रामेछापको उमाकुण्ड र सोलुखुम्बुको लिखु पि के गाउपालिका लाई प्रभाबित क्षेत्रका रुपमा लिइएको छ ।
पालिकाका अध्यक्ष शेर बहादुर सुनुवारको अध्यक्षतामा बसेको बैठकले पालिका र हाइड्रोपावरका पदाधिकारीहरु सहित १७ जनाको उपस्थितिमा उक्त प्रतिबद्धता जनाएको हो ।
यो बारेमा तपाईको प्रतिकृया