रामेछाप । आफैले मतदान गरेर जिताएका वडाध्यक्षले सामाजिक सुरक्षा भत्ता लिएर गाउँमा आएपछि रामेछाप नगरपालिका बडा नं –८ का नागरिक खुसिले दंग छन् ।
भत्ता लिनका लागि वडा कार्यालयमा जानु पर्ने वडाका जेष्ठ नागरिक अपाङ्ग,एकल महिला,दलित र लोपोन्मुख हायु जातिहरु आफनो कार्यालयको टिमै टोलमा लगेर वडा अध्यक्ष केदार कार्कीले सामाजिक सुरक्षा रकम उपलब्ध गराएपछि खुसिले दंग परेका हुन् ।
आफ्नो बस्तीमा आएका वडा अध्यक्ष केदार कार्कीले विगतका बर्षहरुमा पनि टोल टोलमै पुगेर भत्ता वितरण गर्दे आउनु भएको थियो । यस पटक पनि उहाँले त्यसै गरी गाउँमा आउनु भयो र सबैका हात हातमा सामाजिक सुरक्षा भत्ता थमाउनु भयो – यस खालको कर्मले आफुहरुमा थप बाँच्ने आशा पलाएको सल्लेका धन बहादुर सार्कीले बताउनु भयो ।
सो क्रममा अध्यक्षले त्यहाँका थप समस्याका बारेमा जानकारी लिनुका साथै वडा कार्यालयले पु¥याउने थप सेवा सुविधाका बारेमा पनि जानकारी गराउने गरेको डुम्रिखर्कका जेष्ठ नागरिक चुडाध्वज थाापाले भन्नुभयो ।
विगतका वर्षहरुमा पनि आफूले वडाबासीहरुलाई घर घरमानै पुगेर सामाजिक सुरक्षा भत्ता उपलब्ध गराउँदै आएको भएपनि अब भने राज्यले सामाजिक सुरक्षा भत्ता बैक मार्फत बितरण गर्ने तयारी गरेका कारण अब भने जेष्ठ नागरिक र अपाङ्गले सास्ती भोग्नुपर्ने अध्यक्ष कार्कीले बताउनुभयो ।
यस पटक सम्भावित कोरोनाको जोखिम र मुखमै आएको दशैलाई मध्य नजर राखि उहाँहरुको सम्मान स्वरुप टोल टोलमानै पुगेको कार्कीले बताउनु भयो ।
सबै खालका ७ सय ५ जना सामाजिक सुरक्षा बापतको रकम लिनेहरुको सुचि यस वडा कार्यालयमा रहेको छ ।
उनीहरु सबैले वडा कार्यालय सम्म पुग्दा पर्न सक्ने अप्ठेरो र समस्या बाट मुक्ति दिलाउनका लागि पनि आफु गाउँमा पुगेर सामाजिक सुरक्षा भत्ता बितरण गरेको अध्यक्ष कार्कीले बताउनुभयो ।
यो बारेमा तपाईको प्रतिकृया