रामेछाप । गाउँपालिकामा कार्यरत एक जना स्वास्थकर्मी महिलालाई बलात्कार गरेको आरोपमा जिल्ला कारागार रामेछापमा पुर्पक्षको लागि थुनामा रहेका लिखु तामाकोशी गाउँपालिकाका अध्यक्ष गोविन्द बहादुर खड्कालाई उनको पार्टि नेकपाले साधारण सदस्य समेत नरहने गरी निश्कासन गरेको छ ।
नेपाल कम्यूनिष्ट पार्टि (नेकपा) बागमति प्रदेश कमिटीको दशै अघि बसेको बैठकले अध्यक्ष खड्कालाई पार्टिको साधारण सदस्य समेत नरहने गरी निश्कासन गरेको प्रदेश सचिब आनन्द पोखरेलले जानकारी दिनुभयो ।
खड्कामाथि युवतीलाई बलात्कार गरेको, ठगी गरेका, शरिर बन्दक बनाएको लगाएतका विभिन्न अभियोगमा पनि अदालतले उनलाई दोषी ठहर गरेको थियो । लामो थुनछेक बहस र बयान पछि जिल्ला अदालत रामेछापले अध्यक्ष खड्कालाई दशै अघि पुर्पक्षको लागि जिल्ला कारागार रामेछापमा पठाएको थियो ।
प्रहरीले जिल्ला अदालतमा अभियोग दर्तागर्नु अघि पालिकामा विवाद चुलिदै गरेको अबस्थामानै अध्यक्ष खड्कालाई नेकपाले आफनो सक्रिय सदस्यबाट निश्कासन गरेको थियो । पछि अभियोगको छानविनको क्रममा अदालतले कारागार चलान गर्नासाथ नेकपाले खड्कालाई पार्टिको साधारण सदस्यबाट निश्कासन गरेको हो ।
तत्कालिन नेकपा एमालेबाट अध्यक्ष पदको टिकट लिएर जितेका खड्काले नेकपाको एकिकरण सँगै जिल्ला कमिटि सदस्यको जिम्मेबारी पनि पाउनु भएको थियो । नेकपाले खड्कालाई निश्कासन गरे पछि उनको पद के हुन्छ भन्ने बारेमा कानून ब्यवसायीहरुले भने अदालतले फैसला नगरेसम्म पार्टिले सदस्यबाट निशकासन गरेको भरमा अध्यक्ष पद नजाने बताएका छन् ।
यो बारेमा तपाईको प्रतिकृया