रामेछाप ७ पुष
नेपाल कम्युनिष्ट पार्टी नेकपाका स्थायी कमिटि सदस्य लिलामणी पोखरेलले रामेछापको दोरम्बा गाउँपालिका वडा नं. २ को नेकपा कमिटि द्वारा आयोजित बृहत् जनसभामा बोल्दै प्रधानमन्त्री खड्ग प्रसाद ओली संविधान, गणतन्त्र र संघियताको विरोधि रहेको बताउनु भएको छ । लिम्पियाधुराको नक्शा समेटिएको पुस्तक वितरण गर्ने समयमा भारतबाट प्रतिनिधि आएर प्रधानमन्त्री ओली सँग गोप्य भेटघाट पछि पुस्तक वितरणमा प्रतिबन्ध लगाएको पोखरेल बताउनु भयो ।संसदमा एउटा कुरा र जनता सामू अर्को कुरा गर्ने ओलीको पाराले मदनकृष्ण श्रेष्ठ र हरिवंश आचार्यलाई समेत जनता हसाँउन पछि पारेको उनले व्यङ्ग्य गर्नु भयो ।
जनताले नेपाल कम्युनिष्ट पार्टी नेकपालाई लगभग दुईतिहाईको हाराहारीमा मत दिएर जिताए पनि ओलीले तानाशाही तरिकाले मतको कदर नगरि संविधानलाई लात हानेर संसद विघटन गरेको राज्य व्यवस्थापन तथा सुशासन समितिका संयोजक शशी श्रेष्ठ आरोप लगाउनु भयो ।
सभामा नेकपा केन्द्रिय सदस्य एवम् नेकपा रामेछापका ईन्चार्ज देव शंकर पौडेल, नेकपा केन्द्रिय सदस्य एवम् विदेश विभाग प्रमुख युवराज चौलागाई, नेकपा प्रदेश सदस्य एवम् दोराम्बा गाउँपालिकाका अध्यक्ष कमानसिंह मोक्तान, रामेछाप युवा संघका अध्यक्ष टिका मालबोके, नेकपा जिल्ला कार्य समिति सदस्य धनलाल योञ्जन लगायतका वक्ताले संविधान, गणतन्त्र, धर्मनिरपेक्षता र संघियतालाई लत्याउँदै ओलीले चालेको तानाशाही प्रवृतीबाट निम्त्याएको संसद बिघटनको विरोध गर्नु भएको थियो ।
यो बारेमा तपाईको प्रतिकृया