महिला अधिकार र न्याय सम्पादनमा उमाकुण्डको अभियान

१३ जेठ, २०७६
उमाकुण्ड- आफ्नो पालिकाका महिलाहरुको हक अधिकारको बारेमा जानकारी गराउँदै उनीहरुको क्षमता अभिबृद्धि गर्ने र न्यायिक समिति एबं मेलमिलापकर्ता मार्फत छिटो छरितो न्याय सम्पादन गराउनको लागि उमाकुण्ड गाउँपालिकाले अभियान नै चलाएको छ । आइतबार देखि उमाकुण्ड गाउँपालिकाले पालिकाको प्रत्येक वडामा महिला तथा बलवालिकाहरुको क्षमता अभिबृद्धि र नागरिकहरुको न्याय सम्पादन सम्बन्धि तालिम सुरु गरेर अभियानकाे सूरुवात गरेको हो ।

वडा नं ६ गुप्तेश्वरबाट सुरु भएको तालिम १७ गते वडा नं १ गुम्देलमा पुगरेर सम्पन्न हुने गाउँपालिकाका कानूनी सहजकर्ता रण बहादुर कार्कीले बताउनुभयो । वडा नं ६ का अध्यक्ष कृष्ण कुमार सुनुवारको अध्यक्षता तथा उमकुण्ड गाउँपालिकाकी उपाध्यक्ष उर्मिला कार्कीको प्रमुख आतिथ्यतामा आइतबार गुप्तेश्वरमा तालिम सम्पन्न भएको छ । महिला तथा बलवालिकाहरूको क्षमता अभिबृद्धि तलिमको सहजिकरण अधिबक्ता पाण्डब प्रसाई र गाउँपालिकाका प्रमुख प्रशासकिय अधिकृत इश्वरी प्रसाद सुबेदी एबं नागरिकहरुको न्याय सम्पादन सम्बन्धि तालिम अधिबक्ता यादब प्रसाद दाहालले सहजीकरण गरिरहनु भएको छ ।

महिला स्वास्थ्य स्वयंसेविकालाई सम्मान

लामो सयम देखि वडामा रहेर स्वास्थ्य स्वयंसेविकाको रुपमा कार्य गरी स्वास्थ्यको क्षेत्रमा उल्लेखनीय योगदान पुर्याएको भन्दै बिभिन्न टोलमा रहेका ९ जना महिला स्वास्थ्य स्वयंसेविकाहरुलाई झोला र छाता सहित प्रसंसा पत्रले सम्मान गरिएको छ । उनीहरूलाई गाउँपलिकाकी उपाध्यक्ष उर्मिला कार्कीले सम्मान गर्नु भएको हो ।

एकल महिलालाई पनि सम्मान

कार्यक्रमकाे अबसरमा ५० बर्ष भन्दा मुनिका ७ जना एकल महिलाहरुलाई पछ्यौरा र छाता दिएर सम्मान गरिएको छ । आफ्नो पति नहुँदा पनि घरमा बालबच्चा र सासु-ससुरा पालेर सामाजिक रुपमा गाउँमा उदाहरणिय बन्न सफल भएको भन्दै उनीहरुलाई पालिकाले सम्मान गरेको हो ।

बिपन्न बलबालिकालाई सहयोग

वडा नं ६ मा रहेका १५ जना बिपन्न बलवालिकालाई शैक्षिक सामाग्री खरिदका लागि प्रति ब्यक्ती ३ हजार ५ सयका दरले नगद बितरण गरिएको छ । गाउँका बिपन्न बलबलिकाहरूलाई पठन-पाठनमा सहयोग पुर्याउने उद्धेश्यले उक्त रकम बितरग गरिएको हो । वडा कार्यालयको सिफारिसमा ती बालबालिकाहरूलाई उक्त रकम बितरण गरिएको आयोजकले बताएको छ ।

कार्यक्रमकै अबसर पारेर वडा नं ६ मा रहेको मेलमिलाप केन्द्रलाई टेबुल कुर्सी लगायताका समानहरू पनि उपलब्ध गराइएको छ । वडामा रहेका सबै मेलमिलापकर्ताहरुले प्रभाबकारी काम प्रवाहमा सहयोग पुग्ने अपेक्षा सहित उनीरुलाई झोला र छाता दिइने बताइएको छ । वडा स्तरीय कार्यक्रमको समापनका अबसरमा बोल्दै उपाध्यक्ष उर्मिला कार्कीले महिला र बालबलिकाको र न्यायिक समितिका पदाधिकारीहरुको क्षमता अभिबृद्धि गर्ने उद्धेश्यले आयोजना गरियको यस्तो तालिम आगामि बर्ष पनि गरिने बताउनुभयो । उहाँले यस प्रकारको कार्यक्रम सबै वडामा गरिने पनि बताउनुभयो ।

त्यस्तै कार्यक्रममा बोल्दै प्रमुख प्रशासकिय अधिकृत इश्वरी प्रसाद सुवेदीले गाउँमा हुने गरेका हरेक किसिमका बिकास निर्माणका योजनाहरूमा सबैको चासो र खबरदारी हुन सके मात्र दिगो बिकास हुने बताउनुभयो । वडा अध्यक्ष कृष्ण कुमार सुनुवारले तालिम पछि आफ्नो वडाका महिलाहरू हक-अधिकारको क्षेत्रमा चनाखो भई अगाडि बढ्ने बिश्वास व्यक्त गर्नुभयो । कार्यक्रमकी सहभागि डम्बर कुमारी सुनुवारले तालिमबाट महिला हक-अधिकारको बारेमा धेरै जानकारी प्राप्त भएको र आगमी दिनहरूमा सबै महिलाहरुलाई यस्तो तालिम दिन अनुरोध गर्नुभयो ।

न्यायिक समितिका सदस्य टेक बहादुर बरालीका अनुसार १३ गते वडा नं ७ को भुजी, १४ गते वडा नं ४ र ५ प्रीति, १५ गते कुभुकास्थली १६ गते बाम्तीभण्डार र १७ गते गुम्देलमा एकै प्रकारको कार्यक्रम सञ्चालन गर्ने योजना रहेको छ ।