१६ जेठ, २०७६
मन्थली- स्वच्छ वायु स्वस्थ जीवन भन्ने मूल नाराका साथ बिश्व वातावरण दिवस रामेछापको मन्थलीमा सप्ताहब्यापि रुपमा सुरु भएको छ । बिहिबार मन्थलीको नागकन्या माबि परिसरमा बिरुवा रोपेर सप्ताहब्यापी कार्यक्रमको उद्घाटन गरिएको हो ।
मन्थली नगरापलिकाको आयोजना तथा बिभिन्न संघ संस्था र बिद्यालयहरुको समन्वयमा सुरु गरिएको कार्यक्रम जेठ २२ गते समापन हुने मन्थली नगरपालिकाका नगर प्रमुख रमेश कुमार बस्नेतले बताउनुभयो ।
दिवसको अवसरमा नागकन्या माबिबाट सुरु गरिएको कार्यक्रम शुक्रवार र शनिबार मन्थली मावि लगाएतका नगर बिद्यालयहरुमा बृक्षरोपण, आइतबार नगर स्तरीय वातावरण सम्बन्धी वक्तृत्वकला, सोमबार मन्थली बजार सरसफाई, मंगलबार वातावरण संरक्षण सम्बन्धि सचेतना पुस्तीकाबारे छलफल र बुधबार कार्यक्रमको समिक्षा र साँझ दिप प्रज्वलन गरी समापन गरीने कार्यक्रम रहेको छ ।
यो बारेमा तपाईको प्रतिकृया