रामेछाप,२१ असार । रामेछाप जिल्लामा जारी निषेधाज्ञा लाई पुन थप गरी यहि असार मसान्त सम्म कायम गरिएको छ ।
जिल्ला प्रशासन कार्यालय मन्थलीमा सोमवार प्रमुख जिल्ला अधिकारी गौलोचन सैंजु को अध्यक्षतामा बसेका जिल्ला स्तरीय कोभिड–१९संकट व्यवस्थापन केन्द्रको बैठकले यहि असार २२ गते राति १२ बजेदेखि ३१ गते राति १२ वजे सम्मका लागि निषेधाज्ञा थप गर्ने निर्णय गरेको हो ।
जिल्ला भित्र मात्र यातायातका साधनहरु सञ्चालन गर्न पाउने र सबै खाले होटल तथा पसलहरु खुल्ला गर्न पाउने गरी निषेधाज्ञालाई केहि खुकुलो गरिएको भएपनि लामो दुरीका यात्रुवाहक सवारी साधन,शैक्षिक संस्था, शैलुन, ब्युटिपार्लर भने अझै संञ्चालन हुन नपाउने भएका छन । तर अधिकांस पसलहरू भने विहान ५ बजे देखि साझ ७ बजे सम्म जनस्वास्थ्यका मापदण्डहरू पालना गरी खोल्न पाइने भएको छ ।
तर खुल्ला स्थानमा धेरै मानिसहरु जम्मा हुन, भिडभाड, सभा जुलुस गर्न तथा पार्टि,भोजभतेर गर्न, जिल्ला भित्रिने र वाहिरिने यात्रु वाहक साधनहरु सञ्चालन गर्न भने अझै रोक लगाइएको छ । त्यसैगरी अत्यावश्यक भन्दा बाहेक सभा तथा गोष्ठी सञ्चालन गर्न, बिद्यालय खुल्ला गरी पठनपाठन र परीक्षा सञ्चालन गर्न तथा मेला, हाटवजार र जात्रा सञ्चालन गर्न पनि नपाइने भएको छ ।
यो बारेमा तपाईको प्रतिकृया