रामेछाप १ साउन । हत्यारालाई कार्वाहि गर्न माग गर्दे आज मन्थलीमा दिनभर प्रर्दशन गरिएको छ । गत असार १ गते राति मन्थली नगरपालीका वडा नं १२ गेलुको सिग्राल वस्ने काले भन्ने बर्ष ३६ को राजकुमार बुढाथोकिको मृत्युको विषयमा प्रहरी प्रशासन गम्भिर नभएको र स्वतन्त्र पुर्वक छानविनको माग गर्दे हत्यारा पत्तालाउन स्थानिय हरुले मन्थलीमा प्रर्र्दशन गरेका हुन् ।
गत असार १ गते दिनभर स्थानिय प्रभुराम बुढाथोकिको घरमा काम गरेका काले राति खानपिन गरि सोहि घरमा बास बस्नु भएको थियो । भोलिपल्ट २ गते विहान मृतक कालेकि आमा घाँस काट्न जंगल जाँदा खड्काकोमा पुगेर छोराको बारेमा सोधखोज गर्नु भएको थियो । त्यतिबेला खडकाकि श्रीमतीले विहानै घरबाट निश्किएर हिडेकाले कतै गएको हुन सक्ने जवाफ दिनु भएको स्थानिय पुरुषोतम् बुढाथोकिले जानकारी दिनुभयो ।
भोलीपल्ट स्थानिय चनौटे भिरको फेदमा कालेको लास अडेस लागेर बसेको अबस्थामा गाउँलेहरुले देखेपछि पुलिसलाई खबर गरेका थिए । कालेको लास भिरबाट खसेको जस्तो देखिएपनि उसको टाउकोमा गहिरोचोट देखिए बाहेका अन्य कुनै लक्षण देखिएको थिएन् । करीब ३ सय मिटर अग्लो भीर भएपनि कालेको शरिरमा अरु कुनै पनि चोट नदेखिएको अवस्थामा गाउँलेहरुले फेला पारेका थिए ।
परिवारले लिखित रुपमा किटानी जाहेरी दिएको र सोहि आधारमा पर्शुराम बुढाथिोकि लगायत ३ जनालाई प्रहरीले नियन्त्रणमा लिएर अनुसन्धन गरिरहेको रहेको छ ।
निज कालेको परिबार सबै सुस्त मनस्थीतीका भएको र उनिहरुको समाज प्रहरीमा पनि पहुच नभएकोले उनको असलि हत्यारा पत्ता लगाउन प्रहरी गम्भिर नदेखिएको आरोप गाउँलेहरुले लगाएका छन् ।
रामेछाप जिल्लाका प्रहरी नायब उपरिक्षक नवराज ढुङ्गाना भने यस घटनामा प्रहरीले गंभिरताका साथ अनुसन्धान गरेको बताउनु हुन्छ । उहाँका अनुसार घटनाको लगत्तै मृतककी आमाले आफ्नो छोराको लडेर मृत्यू भएको भनि जाहेरी दिनु भएको थियो । तर पछि मृतककी बहिनिले आफ्नो दाजुको हत्या भएको भनि कोटानी जाहेरी दिएका आधारमा प्रहरीले दुईजनालाई पक्राउ गरि अनुसन्धान गरिरहेको छ । घटनास्थलमा सरकारी वकिल सहित आफू स्वयम पुगेर स्थानियहरूको सहयोगमा प्रमाण संकलन गरि सोहि आधारमा अनुसन्धान भई रहेकोले स्थानियहरूलाई शंका नगर्न समेत उहाँले आग्रह गर्नु भयो ।
यो बारेमा तपाईको प्रतिकृया